Միջազգային խայտառակություն

Եթե օդանավը թռչեր, ցեղասպանությունը կճանաչվե՞ր

Ապրիլի 22, 2015
Եթե օդանավը թռչեր, ցեղասպանությունը կճանաչվե՞ր

Թերևս սադրանքը ավելի լուրջ գործողություն է, այդ պատճառով էլ այն, ինչ արեցին թուրքերը Բոսնիա և Հերցոգովինայի կազմում Սերբական Հանրապետության նախագահ Միլորադ Դոդիկի նկատմամբ, նույնիսկ արժանի էլ չէ սադրանք կոչվելու: Մարդը պատրաստվել էր մեկնել Հայաստան` մասնակցելու Հայոց ցեղասպանության 100-րդ տարելիցի միջոցառումներին: Գնացել էր օդանավակայան, նստել էր ինքնաթիռ ու հենց այստեղ էլ պարզվել էր, որ թուրքական իշխանությունները թույլ չեն տվել սերբական ինքնաթիռին թռչել իր երկրի տարածքով: Բուլղարիայի Բուրգասի օդանավակայանում մի քանի ժամ սպասելուց հետո նախագահը ստիպված վերադարձել էր Բանյա Լուկա: «Մենք 10:45-ից մինչև 15:00 սպասել ենք, իսկ հետո որոշեցինք վերադառնալ, քանի որ վրա էր հասնում մութն ու վատ եղանակը, իսկ մենք վստահ չէինք, որ թույլտվություն կլինի»,- ասել էր նա:

 

Հիշեցնենք, որ մեկ օր առաջ էլ Թուրքիան չեղյալ էր հայտարարել Ստամբուլ-Երևան չարտերային թռիչքը, որով պիտի Հայաստան ժամանեին 100-ամյակի միջոցառումներին մասնակցել ցանկացող պատվիրակության անդամները: Իսկ նման գործողություններն, ինչպես արդեն նշեցինք, սադրանք էլ չեն, այլ շարքային գյադայություն: Քաղաքականության մեջ այդպես վարվում են կամ ավանտյուրիստները, կամ անզորության մեջ հայտնվածները: Ու քանի որ թուրքերի պարագայում երկու հանգամանքն էլ լիովին հնարավոր է, այդ պատճառով նույնիսկ Միլորադ Դոդիկն առանձնապես չի վիրավորվել կատարվածից` դա անվանելով զավեշտ, իսկ ավելի ուշ հանդես է եկել հայտարարությամբ` ասելով. «Դա չի կարող ստվերել այն փաստը, որ 100 տարի առաջ թուրքերը սարսափելի հանցագործություն են իրականացրել քրիստոնյա հայերի հանդեպ: Թուրքիան չի ուզում ճանաչել ցեղասպանությունը, մինչդեռ կարճ ժամանակահատվածում 1.5 միլիոն մարդկանց սպանությունը ոչ այլ ինչ է, քան ցեղասպանություն»:


Օդային խայտառակությունը թերևս անհետևանք չմնա: Մի հրաշալի օր նախագահ Դոդիկն առիթ կունենա թուրքերին հիշեցնելու այդ ամոթալի միջադեպը: Իսկ որ եղածից Անկարան ավելի տուժեց, քանի կարող էր սպասել սերբական ինքնաթիռի բարեհաջող թռիչքից, դա արդեն կասկածից վեր է: Բոլոր կողմերից մեծ ու փոքր հարվածներ ստացող երկիրը սկսել է ինքն էլ իր ձեռքով հարվածել` ինչպես մի մազոխիստ, ով հաճույք է ստանում ինքնախարազանումից ու հիմարացել է այն աստիճան, որ սկսել է կարծել, թե ինքնաթիռների թռիչքներով է որոշվելու ցեղասպանության ճանաչումը:

 






Դիտումների քանակ 6173


ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Սերբիայի մեծագույն ձեռքբերումը

Սերբիայի մեծագույն ձեռքբերումը

Հունիսի 16, 2017


Սերբիայի նախագահ Ալեքսանդր Վուչիչը վարչապետի պաշտոնում է նշանակել 41-ամյա Անա Բրնաբիչին, որը երկրի պատմության մեջ ոչ միայն առաջ...

Երեկվա դահիճը այսօր փրկիչ է

Երեկվա դահիճը այսօր փրկիչ է

Ապրիլի 29, 2017


Չեռնոգորիայի պառլամենտը որոշում է կայացրել երկրի` ՆԱՏՕ-ին անդամակցության օգտին: Այս որոշման առթիվ այդ երկրի նախագահ Ֆիլիպ Վույա...

Դոդի, Դոդիկ, Դոդոն, Ծառուկյան

Դոդի, Դոդիկ, Դոդոն, Ծառուկյան

Հունվարի 27, 2017


Բառերի արմատներ կան, որոնք դժբախտություն են բերում: Օրինակ, «դոդ» արմատը: Առաջին հայացքից այն անմեղ տառակապակցություն է: Սակայն...

Երկիր - կազինո
14.11.2017 | 22:27


Երկիր - կազինո

Բա դու ի՞նչ ես
13.11.2017 | 23:02


Բա դու ի՞նչ ես

Ասելիք չկար
09.11.2017 | 22:17


Ասելիք չկար

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
Զարուհին նաև ոստիկան է
Հոկտեմբերի 20, 2017


Զարուհին նաև ոստիկան է

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ