Հայաստանի արտաքին գործերի նախարար Նալբանդյանը, ինչպես հայտնի է, սիրում է ճանապարհորդել, հատկապես կնոջ հետ և պետության հաշվին, այն էլ` բիզնես-կլասով: Եվ հաղորդվում է, որ դեկտեմբերի 7-ին նա մեկնելու է Բրյուսել` կարևոր բանակցությունների:

Եվրոպական միության կենտրոնակայանում Հայաստանի արտգործնախարար Էդվարդ ‪Նալբանդյանը և Եվրոպական միության արտաքին քաղաքականության և անվտանգության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա ‎Մոգերինին կազդարարեն Հայաստանի և Եվրոպական միության միջև նոր իրավական փաստաթղթի շուրջ բանակցությունների պաշտոնական մեկնարկը: Նույն օրը կկայանա Էդվարդ Նալբանդյանի և Ֆեդերիկա Մոգերինիի հանդիպումը, որից հետո նրանք հանդես կգան մամլո համար հայտարարություններով:

Փաստորեն, պրն Նալբանդյանը երկրորդ անգամ սկսում է իր կյանքի ամենախայտառակ ու տապալված նախագծի հետ կապված ճամփորդությունների շարքը: Դեռ հայտնի չէ, թե որքան նստեց պետության վրա եվրաինտեգրման առաջին խայտառակ փորձը, որի արդյունքում 3.5 տարի բանակցեցին ասոցիացիայի ու խոր և համապարփակ առևտրի գոտու մասին պայմանագրի շուրջ, բայց ինտեգրվեցին հակառակ ուղղությամբ` գնացին Մաքսային միություն, այնուհետ` Եվրասիական միություն: Հայտնի չի լինի նաև այս երկարատև գործընթացի վրա մսխված միջոցների քանակը: Հայտնի է միայն այն, որ Նալբանդյան Էդիկը կրկին իր տարերքի մեջ է` նա եվրոպամետ է, նա արդեն պաշտոնական հնարավորություն կունենա ամիսը գոնե մի երկու անգամ գնալ Եվրոպա, իսկ իր գործուղումների արանքում` ուղարկել այնտեղ իր նախընտրած երիտասարդ և եվրոպամետ աշխատակից-աշխատակցուհիներին:

Եվ այսպես ևս մի քանի տարի: Այս խայտառակ էջն էլ կփակվի այն ժամանակ, երբ որ ստորագրումից հետո պարզ կդառնա, թե ասոցիացիայի քաղաքական մասի ստորագրմամբ Հայաստանն ինչ պարտավորություններ է վերցրել իր վրա: Եվ դրանից հետո ՀՀ իշխանության գողական հատվածը (հույս ունենանք, որ մինչ այդ պահը ՀՀ իշխանությունը գոնե 95 տոկոսով բաղկացած կլինի գողականներից) կջարդի Նալբանդյան Էդիկի գլուխը, որից հետո նա որոշակի հետևություններ կանի Եվրոպայում բուժվելու ժամանակ: Այդ պարտավորությունները մոտավորապես այսպիսին կլինեն. միասեռականների արտոնություններ նորմալ մարդկանց նկատմամբ, կրթական ոլորտի բարեփոխումներ` նոր ուսումնական ծրագրեր դպրոցականների համար և, ասենք, օնանիզմի, օրգազմի հասնելու հատուկ ու պարտադիր դասաժամեր (այս ամենը կա Եվրոպայում, ինչը պարտադրվում է ինտեգրվել ցանկացող յուրաքանչյուրին), էլ չենք խոսում հակակոռուպցիոն անիմաստ գործունեության, մարդու իրավունքների և խոսքի ազատության, այլ ամբախ-զամբախ նախագծերի մասին, որոնք խիստ զզվելի են թե՛ գողականներին, թե՛ քաղաքացիական հասարակությանը:

Հետգրություն

Հիշեցնենք, որ ոչ Հայաստանը, ոչ հայերը Եվրամիությանը հետաքրքիր չեն. ասոցիացիայի «կուտը» եվրոպացիք տվեցին մեզ, որպեսզի հետ պահեն ռուսական ինտեգրացիոն նախագծերից: 2013-ին դա տապալվեց, և հիմա փորձ է արվում Հայաստանը գոնե որոշ չափով հեռացնել Ռուսաստանից տապալված ասոցիացիայի քաղաքական մասով, որը, իբր, չի խանգարի ՀՀ տնտեսական համագործակցությանը ԵՏՄ շրջանակներում: