«2016թ. հունվարի 27-ին Ուկրաինայի նախագահի հանձնարարությամբ ուկրաինական պատվիրակությունը ՄԱԿ Անվտանգության խորհրդում նախաձեռնեց Ռուսաստանի նախագահ Վլադիմիր Պուտինի՝ Դոնբասի վերաբերյալ վերջերս արտահայտած մտքերի քննարկում, որոնք կասկածի տակ են առնում Ուկրաինայի սահմանները»,- տեղեկացնում է ВЗГЛЯД-ը՝ հղում կատարելով ուկրաինական գերատեսչության կայքին։ «Քննարկումների ընթացքում Ուկրաինայի ներկայացուցիչ Վլադիմիր Ելչենկոն հայտարարել է այն մասին, որ չի կարելի թույլ տալ, որպեսզի Ռուսաստանի բարձրագույն ղեկավարությունը նորից գրի պատմությունը՝ կասկածի ենթարկելով Ուկրաինայի տարածքային ամբողջականությունը, ինքնիշխանությունը և քաղաքական անկախությունը»,- նշել են ուկրաինական ԱԳՆ-ում։ Դե, իսկ Ուկրաինայի նախագահ Պյոտր Պորոշենկոն իր Facebook-ում գրել է, որ «Ռուսաստանի ղեկավարության վերջին ցինիկ մանիպուլյացիաներին Ուկրաինայի տարածքային ամբողջականության և Բուդապեշտի Հուշագրի կամայական մեկնաբանման վերաբերյալ կտրվի արժանի հակահարված Նյու Յորքում ՄԱԿ ԱԽ այսօր կայանալիք խորհրդակցության ընթացքում»։

Իսկ ի՞նչ է ասել Պուտինը։ Պուտինն ասել է այն, ինչ եղել է ու կա, ընդամե՛նը։ Դոնբասի վերաբերյալ Ռուսաստանի առաջնորդը, հունվարի 25-ին ելույթ ունենալով Համառուսաստանյան ժողովրդականն ճակատի միջտարածաշրջանային համաժողովի նիստում, ասել է. «Քիչ է, որ սահմանին կցել են բազմազգ, ըստ էության՝ ունիտար պետության էթնոսների, ընդ որում՝ սահմանները որոշել են միանգամայն կամայական և հիմնականում՝ չհիմնավորված ձևով։ Դե ահա, Դոնբասն էլ Ուկրաինային են հանձնել։ Ի՞նչ պատրվակով։ Ուկրաինայում պրոլետարիատի տոկոսը բարձրացնելու պատրվակով, որպեսզի այնտեղ սոցիալական մեծ աջակցություն ունենան»։

Եվ ահա, Պուտինի կողմից պատմական իրականության արձանագրումը Կիևում տագնապ է առաջացնում, ընդ որում՝ այդ իրականությունը կասկածի ենթարկվել չի կարող որևէ մեկի կողմից, քանի որ փաստերը կարելի է նորից գրել, բայց դրանք ուտել հնարավոր չէ։ Նշենք, որ հազվագյուտ երևույթ է ճշմարտությունից փախչելն ու դրանից սարսափելը։ Տեսնես ո՞նց կարելի է անվանել այդ երևույթը։