Ազգային խայտառակություն

Բոսյակների գերդաստանով հիանալու ժամանակը

Ապրիլի 13, 2016
Բոսյակների գերդաստանով հիանալու ժամանակը

Ծառուկ Սարգսյան


Բոսյակներն առաջացել են այն ժամանակ, երբ հասարակությունը սկսեց դասակարգել իր անդամներին: Այդպիսով առաջացան տարբեր դասակարգեր: Սակայն նույնիսկ այս պարզ, մաթեմատիկորեն տրամաբանական գործընթացը չկայացավ առանց բացառությունների: Ի սկզբանե մարդկության մի սեգմենտ կար, որին չէր կարելի դասել այս կամ այն դասակարգին: Եվ խնդիրն այն չէր, որ մարդկության այդ հատվածի համար հնարավոր չէր համապատասխան դասակարգային զբաղմունք գտնել: Ողջ խնդիրն այն էր, որ այդ հատվածում ընդգրկված մարդիկ տարբերվում էին մյուսներից մարդուն բնորոշ ցանկությունների և, ինչն ամենակարևորն է, նպատակների բացակայությամբ: Այդպիսի մարդկանց պայմանականորեն սկսեցին անվանել բոսյակներ


Բոսյակներն առկա են ամենուրեք՝ այս կամ այն քանակով: Նրանց քանակը կախված է մի շարք գործոններից՝ սկսած երկրի տնտեսական վիճակից, վերջացրած այն հանգամանքով, թե այդ երկիրն ինչ ներքին և արտաքին քաղաքականություն է վարում: Փաստ է, որ բոսյակների թվաքանակն ուղիղ համեմատական է երկրի տնտեսական և քաղաքական անկայունությանը: Քաղաքականապես և տնտեսապես հզոր երկրներում բոսյակների քանակն անհամեմատ քիչ է: Հաճախ նորաստեղծ պետություններում բոսյակները միավորվում են՝ ստեղծելով կորպորատիվ միավորումներ: Այդպիսի հզոր միավորում մեզ հայտնի է Իլֆի և Պետրովի «Ոսկե հորթը» ստեղծագործությունից: Այդ տարիներին հատկապես աչքի էր ընկնում «լեյտենանտ Շմիդտի որդիներ» բոսյակների լեգենդար կոնգլոմերատը, որի հանճարեղ ներկայացուցիչներն էին Բալագանովը և Պանիկովսկին:


Քանզի մեր երկիրը գտնվում է փակվելու եզրին, հետևաբար, հասարակության քիչ թե շատ կիրթ, դաստիարակված հատվածը լքել է այն: Եվ այս պայմաններում գլուխ են բարձրացնում և շատ անգամ իշխանության հասնում բոսյակները: Եվ եթե «Ոսկե հորթ»-ի տարիները պետության կողմից ձեռնարկված միջոցառումների շնորհիվ արագ ավարտվեցին, ապա Հայաստանի դեպքում ամեն ինչ արվեց, որպեսզի բոսյակների դարաշրջանը երկարի: Ավելին, մեր երկրում բոսյակներն անփոխարինելի դարձան:


Արմեն Սարգսյան անունը ոչինչ չի ասում անգամ բանիմաց և քաղաքականապես զարգացած ընթերցողին: Նա, նախ, Երևանի Շենգավիթ վարչական շրջանի ղեկավարն է և միաժամանակ ՀՀ Կադաստրի կոմիտեի ղեկավար Մարտին Սարգսյանի եղբայրը, չնայած շատերը կարծում են, թե նա սկզբից եղբայր է և նոր հետո՝ թաղապետ: Մեզ համար հերթականությունն էական չէ, քանզի երկու դեպքում էլ նա տեղավորվում է քննարկվող՝ «բոսյակային» հարթությունում: Բացի դա, այդ նույն հարթության մեջ է գտնվում նաև նրա եղբայրը, և այդ իմաստով հերթականությունն անիմաստ է դառնում: Որքան հասկացաք՝ մեր հերոսը, եղբայր և թաղապետ լինելուց բացի, այլ արժանիք չունի: Եղբայրները չեն ստացել կրթություն, չեն կարդացել հայտնի կամ անհայտ որևէ ստեղծագործություն: Նրանք չեն ունեցել որևէ ձգտում, ու եթե չլիներ ԽՍՀՄ փլուզումը, նրանց տեղն այլ հարթությունում կլիներ: Սակայն բախտը ժպտաց նրանցից ավագին, երբ 1990-ականներին ասպարեզում հայտնվեց Վազգեն Սարգսյանը:


Էությամբ բոսյակ լինելով՝ Վազգեն Սարգսյանն, այնուամենայնիվ, կրթություն էր ստացել և այն տարիներին համալրում էր «էլիտար» բոսյակների շարքը: Մարտին Սարգսյանին հաջողվեց Վազգենին համոզել, որ իրենք իբր համակուրսեցիներ են: Հենց այդ հանգամանքով պայմանավորվեց նրա կարիերան: Իսկ ինչ վերաբերում է նրա եղբայր Արմենին, ապա նա անգամ օդից համակուրսեցի հայտնաբերելու շնորհք էլ չունեցավ: Նա սկսեց ապրել Բալագանովի և Պանիկովսկու կյանքով՝ բոլորին ներկայանալով որպես Մարտինի կրտսեր եղբայր, որն էլ իր հերթին ամենուրեք ներկայանում էր իբրև Վազգեն Սարգսյանի համակուրսեցի: Բացի այդ, Մարտինի առաջխաղացումից ոգևորված, շենգավիթցի մի հսկայական զանգված սկսեց այստեղ-այնտեղ նշել, որ պատկանում է Մարտինի, որն իր հերթին Վազգենի ծանոթներից է, շարքին: Այսինքն՝ սրանով փաստում ենք, որ 1990-ականներին Հայաստանում սկսեց գործել և բարգավաճել մարդկանց միավորում, որը բնույթով շատ նման էր «լեյտենանտ Շմիդտի որդիների» հանրաճանաչ կորպորացիային: Կորպորացիան հատկապես սկսեց բարգավաճել Վազգեն Սարգսյանի մահից հետո, քանզի ննջեցյալն իր հետ տարավ բոլոր հիշողությունները և, հետևաբար, ապացույցները: Եվ իսկապես, նրա մահից հետո Հայաստանում հայտնվեցին մեծ թվով համակուրսեցիներ, համադասարանցիներ, մանկության, անգամ մսուրի և մանկապարտեզի ընկերներ: Իհարկե, Արմենն ուներ հզոր ալիբի առ այն, որ նա Մարտինի, որը Վազգենի համակուրսեցին է, եղբայրն է, սակայն դա իրեն քիչ թվաց, և նա, իհարկե՝ Վազգենի մահից հետո, սկսեց հայտարարել, թե ինքը Վազգենի հետ մասնակցել է պատերազմական գործողություններին: Այս վարկածին գումարվեց Մարտինի համակուրսեցի լինելու վարկածը, և ամեն ինչ սկսեց լավ գնալ: Արմեն Սարգսյանն ակտիվորեն ներգրավվեց համապետական ընտրությունները կեղծելու գործընթացին: Եղբայր Մարտինը, Վազգենի համակուրսեցի լինելու վարկածի շնորհիվ, մի քանի պետական պաշտոններ էր զբաղեցնում, իսկ աշխատած փողերը Արմենը ներկայացնում էր իբր իր ունեցած բիզնեսից ստացված եկամուտ: Երբ լրագրողներին հետաքրքրեց նրա կառուցած շքեղ առանձնատան ֆինանսական ծագումնաբանությունը, նա պատասխանեց, որ «2009 թվականից առաջ պետական, համայնքային, հանրային բարձր պաշտոններ չի զբաղեցրել և զբաղվել է գործարարությամբ, ինչի շնորհիվ էլ ՀՀ օրենքներով չարգելված ճանապարհով և բարեկեցության ձգտող յուրաքանչյուր մարդու արդար մղումով կառուցել է իր առանձնատունը»։ Այսինքն՝ ստացվում է, որ Արմեն Սարգսյանը ձգտում է բարեկեցիկ ապրել և հենց այդ պատճառով է ներկայանում որպես Մարտինի, որն իբր Վազգենի համակուրսեցին է, եղբայր: Պարզվում է նաև, որ մեր հերոսն, իհարկե՝ կրկին ազնիվ նկատառումներով, պատահմամբ իր առանձնատունը կառուցել է բանակի տանկային գումարտակի տարածքում: Ըստ Արմեն Սարգսյանի՝ այդ տարածքը չի օգտագործվել, սակայն, մեր կարծիքով, որևէ տարածքի, մանավանդ բանակին պատկանող տարածքի չօգտագործումը չի կարող հիմք հանդիսանալ այդ տարածքը զավթելու և առանձնատուն կառուցելու համար: Այս իմաստով տրամաբանական կլիներ, որ մեր հերոսն իր համար առանձնատուն կառուցեր, օրինակ՝ ԼՂՀ Թալիշի այս պահին ևս չօգտագործվող տարածքներում: Սակայն ոչ Արմեն Սարգսյանը, ոչ էլ նրա եղբայր Մարտինն այդպես չեն վարվի: Նրանք այլ մտածողության և վարքի տեր են: Այնպես, ինչպես հայտնի բոսյակ Շուրա Բալագանովին երջանկության համար անհրաժեշտ էր 6400 ռուբլի, այդպես էլ մեր բոսյակների երազանքն է ապրել և ստեղծագործել բանակի տանկային գումարտակի տարածքում:

 







Դիտումների քանակ 9576


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Արմեն Սարգսյանը խոստացավ ոչինչ չանել

Արմեն Սարգսյանը խոստացավ ոչինչ չանել

Փետրվարի 16, 2018


Մեկ ամիս առաջ ՀՀԿ-ն Հանրապետության նախագահի թեկնածու առաջադրեց դեսպան Արմեն Սարգսյանին: Այդ առաջարկից հետո թեկնածուն նախագահ Սե...

Արմեն Սարգսյանը պահպանում է հիգիենայի կանոնները

Արմեն Սարգսյանը պահպանում է հիգիենայի կանոնները

Փետրվարի 15, 2018


Եթե դիտարկելու լինենք ՀՀԿ-ի կողմից նախագահի թեկնածու առաջադրված Արմեն Սարգսյանի հանդիպումների շրջանակը, ապա դրանց արդյունավետու...

Երբ սարը չի գնում Մուհամեդի մոտ, Մուհամեդն է գնում սարի մոտ

Երբ սարը չի գնում Մուհամեդի մոտ, Մուհամեդն է գնում սարի մոտ

Փետրվարի 13, 2018


Քաղաքական տարբեր ուժերի հետ ՀՀ նախագահի թեկնածու Արմեն Սարգսյանի հանդիպումների ժամանակ նախանշվում է մի հետաքրքիր օրինաչափությու...

Չորրորդ հանրապետությունը հետաձգվում է

Չորրորդ հանրապետությունը հետաձգվում է

Փետրվարի 12, 2018


Վերջերս ՀՀ նախագահի թեկնածու, դեսպան Արմեն Սարգսյանն աչքի ընկավ մի զարմանալի հայտարարությամբ: Նա բառացիորեն ասել էր հետևյալը. «...

Մյուսները կարևոր չեն

Մյուսները կարևոր չեն

Փետրվարի 12, 2018


Երբ Մեծ Բրիտանիայում Հայաստանի դեսպան Արմեն Սարգսյանին ՀՀԿ-ն առաջարկեց դառնալ նախագահի թեկնածու, վերջինս Սերժ Սարգսյանին ասաց, ...

Ծառուկյանն է պայմաններ թելադրում

Ծառուկյանն է պայմաններ թելադրում

Փետրվարի 12, 2018


ՀՀԿ-ի կողմից առաջարկված նախագահի թեկնածու Արմեն Սարգսյանը, շարունակելով իր քաղաքական հանդիպումները, վերջապես հանդիպեց նաև ԱԺ «Ծ...

Արմենի քավորը

Արմենի քավորը

Փետրվարի 6, 2018


ՀՀ նախագահի թեկնածու առաջադրված Արմեն Սարգսյանն ինքն իր ձեռքով իրեն գցել է երկակի իրավիճակի մեջ: Մի կողմից նա ասում է, որ դեռևս...

Սիրտը Լոնդոնից չի կտրվում

Սիրտը Լոնդոնից չի կտրվում

Փետրվարի 5, 2018


Դեսպան և նախագահի թեկնածու Արմեն Սարգսյանն, ամենայն հավանականությամբ, պատրաստվում է իրեն մատուցել իբրև համահայկական առաջնորդ: Ո...

Ներկայացուցչական բնույթի սուբյեկտը

Ներկայացուցչական բնույթի սուբյեկտը

Փետրվարի 1, 2018


Նախագահի թեկնածու, Մեծ Բրիտանիայում Հայաստանի արտակարգ և լիազոր դեսպան Արմեն Սարգսյանը իր հարցազրույցներում սկսել է վստահեցնել,...

Դեռ չի ընտրվել, բայց արդեն փախչում է

Դեռ չի ընտրվել, բայց արդեն փախչում է

Հունվարի 30, 2018


Լրագրողների հետ շփումներից խուսափելը մեր պաշտոնյաների ամենասիրելի զբաղմունքն է: Ինչ հնարամտությունների ասես, որ չեն դիմում նրան...

Սենյակային նախագահի թեկնածուն

Սենյակային նախագահի թեկնածուն

Հունվարի 30, 2018


ՀՀ նախագահի թեկնածու Արմեն Սարգսյանը վերադարձավ Հայաստան և անմիջապես անցավ իր անելիքներին: Եռաբլուրում ծաղկեպսակ դնելուց հետո ն...

Նստել է թախտին, սպասում է բախտին

Նստել է թախտին, սպասում է բախտին

Հունվարի 22, 2018


Այսօր, երբ հայտնի դարձավ, որ ՀՀԿ կողմից նախագահի թեկնածու առաջարկված՝ Մեծ Բրիտանիայում ՀՀ արտակարգ և լիազոր դեսպան Արմեն Սարգսյ...

Գերոնտոֆիլ արքայազնի հպատակները սկզբունքորեն չեն ծառայում ՀՀ բանակում

Գերոնտոֆիլ արքայազնի հպատակները սկզբունքորեն չեն ծառայում ՀՀ բանակում

Հունվարի 20, 2018


Հարցին, թե մեր բարձրաստիճան պաշտոնյաների զավակներն ինչու չեն ծառայել Ազգային բանակում, պաշտպանական գերատեսչությունից միշտ միևնո...

Երկու Արմեններից մեկը

Երկու Արմեններից մեկը

Հունվարի 19, 2018


Նոր նախագահի ընտրությունը սոսկ հերթական պաշտոնյայի ընտրություն չէ: Նույնիսկ եթե նրա լիազորությունների շրջանակները նեղացվում են,...

Որքան է Արմեն Սարգսյանի գործակիցը

Որքան է Արմեն Սարգսյանի գործակիցը

Հունվարի 19, 2018


Ինչպես հայտնի է, այսօր նախագահական նստավայրում Սերժ Սարգսյանը ԱԺ-ում մեծամասնություն կազմող քաղաքական ուժի անունից դեսպան Արմեն...

Գերոնտոֆիլի ընկերը` ՀՀ նախագահ

Գերոնտոֆիլի ընկերը` ՀՀ նախագահ

Հունվարի 19, 2018


Ինտրիգը հանգուցալուծվեց: Թեպետև Սերժ Սարգսյանը խոստացել էր, որ ապագա նախագահը չպիտի ունենա որևէ քաղաքական անցյալ, այնուամենայնի...

Անգլիական թագուհի Արմեն Սարգսյանը

Անգլիական թագուհի Արմեն Սարգսյանը

Հունվարի 17, 2018


Երեկ գրել էինք, զուտ ենթադրաբար, որ նախագահ Սարգսյանը, հավանաբար, որոշել է ՀՀ նախագահ նշանակել Ռալֆ Յիրիկյանին` ելնելով այն հան...

Սահակյանները վտանգի հոտ են առել

Սահակյանները վտանգի հոտ են առել

Սեպտեմբերի 16, 2017


Նրանք, ովքեր մեծ փոփոխությունների, վերաձևումների և կազմավորումների ջատագովներ էին ձևանում և պայքարում էին օր առաջ դրանք իրականա...

Արմեն Սարգսյանը կթալանե՞ր Լոնդոնի բանկը

Արմեն Սարգսյանը կթալանե՞ր Լոնդոնի բանկը

Հուլիսի 28, 2017


Եթե երբևէ խոսք գնա արդի հայ դիվանագիտության մեծագույն ձեռքբերումների մասին, ապա առանց վարանելու առաջին հերթին պետք է հիշատակել ...

Գրականությունն էլ իր օլիգարխները կունենա

Գրականությունն էլ իր օլիգարխները կունենա

Հունիսի 16, 2017


Հայաստանում գրեթե անհնար է գտնել այնպիսի մի գրող, որի գրքի շնորհանդեսը կայանա որևէ նախարարությունում, այն էլ ամենաբարձր մակարդա...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ







Քվեարկությունների արխիվ