Ծառուկ Սարգսյան

Հնարավոր է, որ այստեղ լրիվ այլ բան կա

Նախալակոտ Ուրիխանյանը Ծառուկյանի գովքն է անում: Գիշեր-ցերեկ սա Երևանում և մարզերում քարոզարշավ է ծավալում, այն է` թուլացնում է Գագիկ Ծառուկյանի դիրքերը: Օրինակ, այսօր սա ասել է, թե, իբր, «Մուլտի գրուպ»-ում աշխատում է 25.000 մարդ, և եթե հնարավորություն ընձեռվի «Ծառուկյան» դաշինքին կառավարություն կազմել, ապա ողջ ազգը ժամացույցի պես կաշխատի, ինչպես «Մուլտի գրուպ» ընկերությունում:

Սրանից ավելի ոչխար բան ասել ուղղակի հնարավոր չէ, և եթե չլիներ Ուրիխանյան նախալակոտը, ապա դժվար է պատկերացնել, թե էլ ով կարող էր համեմատություն անցկացնել պետության և առևտրային ձեռնարկության միջև, ընդ որում՝ այն ձեռնարկության, որտեղ մարդիկ աշխատում են ճորտի կարգավիճակում, զուրկ են բոլոր սոցիալական, աշխատանքային իրավունքներից:

Բայց այսօր այլ հարց ենք ուզում քննարկել: Ի վերջո, ո՞վ է նախալակոտ Ուրիխանյանի քաղաքական «պապան», ո՞վ դրան մտցրեց Ծառուկյանի ցուցակ և ինչի՞ համար:

Առիթ ունեցել ենք գրելու, որ Ուրիխանյանի հովանավորը ռուս դեսպան Վոլինկինն է: Դեսպանն, իհարկե, իրավունք ունի համակրել այս կամ այն քաղաքական գործչին Հայաստանում, ավելին, նա նաև կարող է բարեխոսել սրա կամ նրա համար: Բայց քանի որ Վոլինկինը Վլադիմիր Պուտինի նշանակածն է, հետևաբար` նորմալ մարդ, ապա պետք է եզրակացնել, որ նա չէր կարող Ուրիխանյանի կարիերային հարցերով զբաղվել, քանզի, լինելով ինտելեկտուալ, պրն Վոլինկինն անմիջապես կզգար Ուրիխանյանի մտավոր սնանկությունը և, բնականաբար, սրան երբևէ լուրջ չէր ընդունի, ուր մնաց, թե միջնորդեր սրան ինչ-որ ցուցակ խցկելու համար: Բայց, այնուամենայնիվ, դեսպան Վոլինկինը խցկել է Ուրիխանյանին Ծառուկյանի ցուցակ: Հիմա փորձենք հասկանալ, թե ինչու:

Խոսել այն մասին, թե դեսպանն ու Ուրիխանյանը միասեռականներ են` անլուրջ է: Պուտինը չէր կարող միասեռականին դեսպան նշանակել, քանզի զզվում է այդ ցեղատեսակից, Ուրիխանյանն էլ այդ անձը չէ: Քանզի նախալակոտ լինելը դեռ չի նշանակում լինել նաև միասեռական: Կարող ենք ևս մի քանի այսօրինակ վարկած քննարկել, բայց ապարդյուն: Եվ ակնհայտ է դառնում, որ դեսպանի և Ծառուկյանի միջև լուրջ թշնամություն կա, և դեսպանը Ուրիխանյանին մտցրել է Ծառուկյանի ցուցակ, որպեսզի փորձանք բերի վերջինիս գլխին: Գողականում նման իրավիճակներում ասում են «ջեբը գցել»: Բայց ինչո՞ւ: Ի՞նչ վատություն էր արել Գագիկ Ծառուկյանը ռուս դեսպան Վոլինկինին, որ նա այսօրինակ դաժանությամբ վարվեց Գագիկ Ծառուկյանի հանդեպ:

Մենք չունենք այս հարցի պատասխանը, այսինքն` չենք կարողանա ստույգ հաշվարկել ռուս դեսպանի և հայ առաջնորդի թշնամության դրդապատճառներն ու պատճառները, մենք ընդամենը կհնչեցնենք մի քանի վարկած, որոնք բնավ պարզություն չեն մտցնի այս անհասկանալի հարցում: Բայց, համենայն դեպս, փորձենք դա անել:

Կարելի է մտածել, թե Գագիկ Ծառուկյանի և դեսպանի կնոջ միջև ինչ-որ մի կապ է տեղի ունեցել, դեսպանն էլ, քանի որ հայ չէ և չի կարող սպանել կնոջը, նախալակոտ Ուրիխանյանով է վրեժխնդիր լինում Ծառուկյանին, որպեսզի տապալի և խայտառակի նրա դաշինքը: Բայց անմիջապես ասենք, որ սա հնարավոր տարբերակ չէ. դեռ չի ծնվել որևէ հայ կամ ռուս տղամարդ, որն ասի, թե Ծառուկյանը դոմփել է կնոջս և չի վճարել դրա դիմաց: Անցնենք առաջ: Հնարավոր է, որ դեսպանը կատարել է ՀՀԿ հրահանգը` Ուրիխանյանին հասկանալի նպատակներով մտցնելով Ծառուկյանի ցուցակ: Բայց սա նույնպես բացառված է, քանզի Վլադիմիր Պուտինն արգելում է իր հայաստանյան դեսպաններին սերտ հարաբերակցել ՀՀԿ-ականների հետ, քանզի Պուտինին խորթ է նժդեհականությունը, նա զզվում է նացիզմ հիշեցնող ամեն ինչից, քանի որ նրա երկու մանկահասակ եղբայրները թաղված են Լենինգրադի անանուն գերեզմանատանը, որոնց տեղը նա էլ չգիտի: Եվս մեկ վարկած, բայց, ցավոք, նույնպես ոչ ռեալիստական: Հնարավոր է, որ ռուս դեսպանը համագործակցում է արևմտյան հատուկ ծառայությունների հետ, և Ուրիխանյանին մտցնելով Ծառուկյանի ցուցակ` նա այդպիսով նպաստում է «Ելք» դաշինքի հաջողությանը, որպեսզի երկրորդ տեղում ընտրությունների արդյունքում հայտնվի ոչ թե Ծառուկյանը, այլ Նիկոլն իր թիմով: Սակայն սա նույնպես հավանական չէ, քանզի Վլադիմիր Պուտինը հարիֆ չէ, և անմիջապես կկռահեր դեսպան Վոլինկինի դավաճանությունը և կպատժեր նրան: Վերջապես, հնարավոր է, որ Ուրիխանյանն ունի դեսպան Վոլինկինի դեմ ինչ-որ վարկաբեկիչ տեսանյութեր, ասենք, ինչ-որ կասկածելի կանանց հետ: Բայց այս վարկածն էլ է անհավանական, քանզի դեսպան Վոլինկինը շատ զգույշ է սեռական կապերում, գոնե այնքան, որ որևէ նախալակոտ չի կարողանա նրան շանտաժի առարկա դարձնել, մանավանդ որ դեսպանը տեղյակ է Ուրիխանյանի օպերատորական տաղանդներից, որոնց պատճառով այս նախալակոտին շուտով մեղադրանք կառաջադրվի:

Այն ինչն է՝ ինչը, որ Գագիկ Ծառուկյանին ստիպեց Ուրիխանյան Տիկոյին ցուցակ վերցնել. այս հարցն անպատասխան ենք թողնում այսօր և կփորձենք գոնե մինչև ապրիլի 2-ը ինչ-որ մի ռացիոնալ բացատրություն գտնել: Ժամանակ դեռ կա, և մենք հուսով ենք, որ դա մեզ կհաջողվի: