«Ժառանգություն» կուսակցության ղեկավար Րաֆֆի Հովհաննիսյանի անհեռատես գործունեությունը շատերին ոչ միայն հիասթափության դուռը հասցրեց, այլև հարկադրեց արմատապես փոխել իրենց կյանքն ու կենցաղը: Րաֆֆու ձեռքի տակ կուսակցությունը տրոհվեց ու հողմացրիվ եղավ, իսկ այն հատուկենտ հավատարիմները, որոնք մինչև վերջին վայրկյանը կառչած մնացին նրանից, այսօր ստիպված են հավատարմության գին հատուցել` գոյություն պահելու խնդիր լուծելու ամենատարբեր միջոցներով:

Դրանցից մեկն էլ «Ժառանգության» փոխնախագահ Արմեն Մարտիրոսյանն է: Վերջինս շաբաթներ առաջ հայտարարել էր, թե ինքը շարունակում է մնալ քաղաքական արձակուրդում: Բայց արձակուրդը ընդամենը քաղաքական է և դեռ հայտնի էլ չէ, թե որքան դա կտևի: Մինչդեռ, համաձայն տեղեկությունների, այս ընթացքում աշխատանք է գտել GG տաքսի ծառայությունում: Սա իրականում վատ ընտրություն չէ, մանավանդ որ Հայաստանում նախադեպը կա` «Ղարաբաղ» կոմիտեի անդամ Սամսոն Ղազարյանն էլ է տաքսի քշում, և արդեն տևական ժամանակ: Բացի այդ, տաքսի քշեն ավելի ավելի ազնիվ է, քան Րաֆֆիի պատանդ լինելը: Եվ հիմա Արմեն Մարտիրոսյանը կարող է իր ուղևորներին մյուս տաքսիստների օրինակով ասել. «Դու գիտես ես միշտ տաքսի՞ եմ քշել: Էն ժամանակ, որ ես կուսակցության փոխնախագահ էի, մյուսներն ու՞ր էին...»: