Տիեզերական խայտառակություն

ԱՄՆ-ը ափիոնային պատերազմներ է սկսում Եվրոպայում

Հուլիսի 31, 2017
ԱՄՆ-ը ափիոնային պատերազմներ է սկսում Եվրոպայում

Արտյոմ Խաչատրյան


Պատմությունը շարունակվում է, անգլոսաքսերը չեն փոխվում


Կատարվե՛ց։ Ամերիկյան իսթեբլիշմենթը հասավ իր ուզածին՝ մի կրակոցով խփեց և՛ իր նախագահին, և՛ Ռուսաստանի առաջնորդին (ինչպես իրեն է թվացել)` հասնելով այն բանին, որ կոնգրեսն այս շաբաթ ընդունեց HR 3364 օրինագիծը՝ «Օրենք Ամերիկայի հակառակորդներին հակազդեցության մասին» ամպագոռգոռ անվանմամբ, Ռուսաստանի, Իրանի և Հյուսիսային Կորեայի դեմ նոր պատժամիջոցների վերաբերյալ։ Եվ արդեն կա ռուսական կողմի հակառակ արձագանքը, որը միանշանակ թևաթափ է արել ամերիկյան բազեներին։ Ինչպե՞ս է պատասխանել Վլադիմիր Պուտինն իր ամերիկացի, ինչպես ինքն է սիրում ասել, «գործընկերներին»։


Նշենք, որ օրինագիծը դեռևս չի ստորագրվել նախագահ Թրամփի կողմից և ուժի մեջ չի մտել, սակայն Ռուսաստանի նախագահը որոշել է մինչև ստորագրումը հաշիվները փակել ամերիկացիների հետ Օբամայի հին մեղքերի համար, իսկ հետո արդեն մտածել նոր օրենքին պատասխանելու մասին։ Հիշեցնենք, որ Բարաք Հուսեյնովիչ Օբաման 2016թ. դեկտեմբերին՝ Նոր տարվա շեմին (այ քեզ «բացառիկ» վեհանձնություն), ԱՄՆ-ից վտարեց 35 ռուս դիվանագետի և մարոդյորի պես խլեց դիվանագիտական անձեռնմխելի ունեցվածքը՝ խախտելով միջազգային դիվանագիտական կոնվենցիաների հիմնարար դրույթները։ Վատագույն դեպքում, կարծում էին Վաշինգտոնում, Պուտինը նույնպես Ռուսաստանից կվտարի 35 դիվանագետի և ինչ-որ բան կվերցնի նրանցից, եթե համարձակվի։ Բայց նախագահ Պուտինը համբերատար սպասեց յոթ ամիս ու վերջապես արձակեց իր առաջին կրակոցը. ամերիկյան դեսպանությունից հետ վերցրեց երկու օբյեկտ, բայց դիվանագետներին չվտարեց։ Նա պարզապես իրագործեց ամերիկյան բազեների ամենամղձավանջային երազը՝ Ռուսաստանում ամերիկյան դիվանագիտական առաքելությունների գլխաքանակը հավասարեցրեց ԱՄՆ-ում ռուսաստանյանին՝ այն հասցնելով 455 թվին։ Իսկ դա նշանակում է, որ ամերիկացիները մինչև սեպտեմբեր պետք է հետ կանչեն դեսպանության և հյուպատոսությունների 755 (!) աշխատակցի։ Ի՞նչ է սա նշանակում։ Սա նշանակում է, որ ԱՄՆ հետախուզական հանրույթն անվերականգնելի կորուստ է ունեցել, չէ՞ որ ամերիկյան դիվանագիտական կորպուսի երկու երրորդը հատուկ ծառայությունների աշխատակիցներ են։ Այսպիսով, անդրօվկիանոսյան բազեները նախընտրական տարում զրկվեցին իրենց ռեզիդենտուրաների համատարած մեծամասնությունից, և թե ինչպես են նրանք հիմա ուղղորդելու «հեղափոխական» գործընթացները Ռուսաստանում՝ հայտնի չէ։ Միանշանակ կարելի է ասել, որ եթե գոնե մի վայրկյան սենատոր Մակքեյնի և նրա համախոհների ուղեղները երկու քայլ առաջ մտածեին, ապա, անկասկած, իրավիճակը չէին հասցնի այսօրվա աղետին, նրանք կվերադարձնեին Ռուսաստանի դեսպանության օբյեկտներն ու վտարված դիվանագետներին։ Բայց, ինչպես տեսնում ենք, ամերիկացիների ռազմավարական մտածողությունը հերթական անգամ չաշխատեց, արդյունքում՝ այդ տերությունը զրկվեց ռեզիդենտուրաներից, որոնք ստեղծվել էին տասնամյակներ շարունակ։ Թող հիմա փորձեն ազդել Ռուսաստանում նախագահական ընտրությունների վրա և պաշտպանեն պրն Նավալնուն այն խղճուկ ուժերով, որոնք Պուտինը նրանց համար մեծահոգաբար թողել է։


Այժմ՝ գլխավորի մասին։ Գլխավորը, ինչի մասին կխոսենք, անգլոսաքսերի էությունն է, որը ենթակա չէ ժամանակի իշխանությանն ու չի փոխվում։ Մի քանի մեջբերում կատարենք հակառուսական օրինագծից.  
«Օգնել ուկրաինացիներին և դաշնակցային մյուս գործընկերներին Եվրոպայում, նվազեցնել նրանց կախվածությունը ռուսաստանյան էներգառեսուրսներից, հատկապես բնական գազից, որոնք Ռուսաստանի Դաշնության կառավարությունն օգտագործում է որպես հարկադրման, վախեցնելու և ազդեցության զենք;
համագործակցել Եվրոպական միության անդամ պետությունների և Եվրոպական միության ինստիտուտների հետ՝ էներգետիկ անվտանգությանն օժանդակելու նպատակով, դիվերսիֆիկացված և ազատականացված էներգետիկ շուկաներ (որոնք դիվերսիֆիկացիոն աղբյուրներ են տրամադրում), մատակարարներ և երթուղիներ ստեղծելու ճանապարհով;
շարունակել հակազդել «Հյուսիսային հոսք-2» խողովակաշարին, նրա կործանարար ազդեցությանը Եվրոպական միության էներգետիկ անվտանգության, Կենտրոնական և Արևելյան Եվրոպայում գազի շուկայի զարգացման վրա;
Միացյալ Նահանգների կառավարությունը պետք է գերակա ուշադրություն հատկացնի Միացյալ Նահանգների էներգետիկ ռեսուրսների արտահանմանը՝ ամերիկյան աշխատատեղեր ստեղծելու, Միացյալ Նահանգների դաշնակիցներին և գործընկերներին օգնելու և Միացյալ Նահանգների արտաքին քաղաքականությունն ամրապնդելու նպատակներով»։


Ինչպես տեսնում ենք, ամերիկացիները եվրոպացիներին բացահայտ ասում են, որ պետք է հրաժարվել ռուսական գազից և կրկնակի թանկ գնել ամերիկյան թերթաքարային գազը, բայց, վերջնականապես նամուսը չկորցնելով և նվազագույն տակտը պահելով, նրանք օրենքում գրում են «Եվրոպայի էներգետիկ անվտանգության» մասին, իբր հոգում են դիվերսիֆիկացված և ազատականացված էներգետիկ շուկաների մասին։ Հայտնի գերմանացի քաղաքագետ Ալեքսանդր Ռարն այս առիթով ասում է՝ պատասխանելով հետևյալ հարցին


- Կարծիք կա, թե ռուսաստանյան էներգետիկ ընկերությունների դեմ ամերիկյան պատժամիջոցների նպատակներից մեկը ԵՄ-ին սեփական ամերիկյան թերթաքարային գազը պարտադրելն է։ Այս մասին մասնավորապես գրել է գերմանական handelsblatt.com պարբերականը։ Այսինքն՝ ԱՄՆ-ը ցանկանում է ամրանալ Եվրոպայի էներգետիկ շուկայում, այդպե՞ս է։


- Դա այնքան ակնհայտ է, որ անգամ հավելյալ մեկնաբանությունների կարիք չունի։ Այո, այդպես է։ Ամերիկացիներն ուզում են ռուսաստանյան գազը դուրս շպրտել եվրոպական շուկայից և այն լրացնել իրենց թերթաքարայինով։ Դա այնքան ակնհայտ է, որ Գերմանիայում լուրջ զայրույթ է առաջացնում, քանի որ լկիտության է հասնում։


Այսպիսով, իրենց նոր հակառուսական օրենքով ամերիկացիները եվրոպացիներին ասում են. նախագահ Թրամփը խոստացել է էներգառեսուրսներ արտահանել, և քանի որ Ռուսաստանը Եվրոպային գազի գլխավոր մատակարարն է, նրա տեղը պետք է զբաղեցնի ԱՄՆ-ը։ Իսկ ինչ վերաբերում է այն բանին, թե դուք՝ եվրոպացիներդ, ստիպված եք լինելու վճարել մեր թերթաքարային գազի դիմաց առնվազն կրկնակի թանկ, ապա այդ հանգամանքը մեզ բնավ չի հետաքրքրում, քանի որ America first! («Ամերիկան՝ ամեն ինչից առաջ», նախագահ Թրամփի երդմնակալության ելույթից- խմբ.)։ Միևնույն ժամանակ, դրանով իսկ էական վնաս է հասցվում Ռուսաստանին, որը վերջին տարիներին ավելի հաճախ է կանգնում ամերիկյան շահերի ճանապարհին և խոչընդոտում աշխարհում «կառավարելի քաոսի» առաջմղմանը։
Եվ այս առնչությամբ զուգահեռներ անցկացնենք ափիոնային պատերազմների հետ, որոնք սարքեց Մեծ Բրիտանիան (XIX դարի ԱՄՆ-ը) խեղճ չինացիների գլխին։ Ուրեմն, անգլիացիներին պետք էին հավելյալ եկամուտներ, և նրանք հիանալի սխեմա հորինեցին. ափիոն աճեցնել Հնդկաստանում, մասամբ՝ Աֆղանստանում և Պակիստանում՝ օգտագործելով տեղի ժողովուրդների ստրկական աշխատանքը, իսկ արտադրանքը սպառել Չինաստանում։ Նշենք, որ չինական օրենքներն արգելում էին թմրանյութերը, և սկզբում անգլիացիները բանալ մաքսանենգությամբ էին զբաղվում։ Սակայն հենց որ կայսրը կոշտ միջոցներով վերջ դրեց մաքսանենգությանը 1839թ.՝ փակելով շուկան Հնդկաստանի և Անգլիայի բոլոր կոմերսանտների և մաքսանենգների առջև, Մեծ Բրիտանիան 1840թ. պատերազմ հայտարարեց Ցիների կայսրությանը։ Չենք պատմի պատերազմի ընթացքի մասին, ասենք միայն, որ անգլիացիները 1842թ. օգոստոսի 29-ին, վճռական հաղթանակներից և Նանկին մտնելուց հետո, Ցիների կայսրությանը պարտադրեցին իրենց համար շահավետ Նանկինի պայմանագիրը, որի համաձայն՝ Ցիների կայսրությունը Մեծ Բրիտանիային վճարելու էր խոշոր կոնտրիբուցիա, հանձնելու էր Հոնկոնգ կղզին և բացելու էր չինական նավահանգիստներն անգլիական առևտրի համար։ Դե, իսկ Ցիների կայսրությունում սկսվեց պետության թուլացման և քաղաքացիական խառնակչության երկարատև շրջան, ինչը հանգեցրեց երկրի ստրկացմանը եվրոպական տերությունների կողմից և թմրամոլության հսկայական տարածմանը, դեգրադացիայի և բնակչության զանգվածային մահացության։


Երկրորդ ափիոնային պատերազմն էլ է եղել։ 1854թ. Մեծ Բրիտանիան, այս անգամ Ֆրանսիայի և ԱՄՆ-ի հետ, փորձեց վերանայել 1842թ. պայմանագիրը։ Այս երեք տերություններն իրենց համար պահանջում էին անսահմանափակ առևտրի իրավունք Չինաստանի ողջ տարածքում և ափիոնի առևտրի պաշտոնական թույլտվություն (!), բայց քաղաքական ինտրիգները ցանկալի արդյունքի չբերեցին։ Ուստի, 1856թ. հոկտեմբերին, Ղրիմի պատերազմի ավարտից հետո, Մեծ Բրիտանիան նոր պատերազմ սանձազերծեց Չինաստանում։ Շուտով Անգլիային միացավ նաև Ֆրանսիան։ (Ի դեպ, Ռուսաստանը տարածքային զիջումների դիմաց Ցիների կայսրությանը ռազմական օգնություն էր ցուցաբերում)։ Դե, իսկ սա ավարտվեց նրանով, որ 1860թ. ստորագրվեցին Պեկինյան պայմանագրերը, ըստ որոնց՝ Ցիների կայսրությունը, համաձայն հաստատված ավանդույթի, խոշոր կոնտրիբուցիա էր վճարելու, օտարերկրյա առևտրի համար բացելու էր Տյանցզինը, թույլ էր տալու չինացիներին օգտագործել որպես ստրկական աշխատուժ Մեծ Բրիտանայի և Ֆրանսիայի գաղութներում։ Այդ պահից սկսած Մեծ Բրիտանիային էր անցնում Ձյուլունյան թերակղզու հարավային մասը (Ռուսաստանին հասավ Ուսուրական երկրամասը)։


Այսպիսով, անգլոսաքսերն արդեն XIX դարում լկտիաբար ասում էին, որ իրենք թքած ունեն աշխարհի բոլոր ժողովուրդների վրա, նրանց պետք է իրենց շահերի իրագործում, իսկ թե որքան չինացի ու այլ մանր-մունր ժողովուրդներ կզոհվեն, չինացիների քանի սերունդ կդեգրադացվի՝ նրանց հետաքրքիր չէր։ Այն ժամանակ անգլիացիները, ինչպես Թրամփն այսօր, ասում էին. Great Britain first! Դե, ինչ անենք, թող first լինի. այդպիսին էր չինացիների ճակատագիրը, նրանք ստիպված համակերպվեցին դրա հետ և չկտրվեցին իրականությունից՝ գիտակցելով իրենց հնարավորությունների սուղ պոտենցիալը։


Բայց այսօր Չինաստանն արդեն XIX հարյուրամյակի կեսերի Ցիների կայսրությունը չէ, այսօր ստիպել Չինաստանին գնել Աֆղանստանում ամերիկացիների աճեցրած ափիոնը՝ իրատեսական չէ։ Բայց կան եվրոպացիներ՝ հանձինս քաղաքակիրթ «եվրամիութենական» ազգերի, որոնց կարելի է պարտադրել ինչ ուզես, այդ թվում և թանկ ամերիկյան գազ՝ էժան ռուսականի փոխարեն, այդ անպատկառ անբարոյականությունը բացատրելով նրանով, թե «հոգում» են Եվրոպայի էներգետիկ անվտանգության մասին։ Կարծում եմ՝ երբևէ, ապագայում, ամերիկացիների այսօրվա խայտառակ անբարո քաղաքականությունը կգտնի իր արժանի մեկնաբանությունը պատմության մեջ։ Բայց դա, ցավոք, տեղի չի ունենա այնքան ժամանակ, քանի դեռ Ամերիկայի Միացյալ Նահանգներն է՝ անգլոսաքսոնական աշխարհի ղեկին կանգնած, որոշում գլոբալ քաղաքականությունը՝ թունավորելով աշխարհի գրեթե բոլոր ժողովուրդների կյանքը։


Հետգրություն


Երկուշաբթի գիշեր հուզիչ լուր ստացվեց Ամերիկայից։ Պարզվում է՝ Վաշինգտոնը ցավում է Մոսկվայի՝ Ռուսաստանում ամերիկյան դիվանագիտական առաքելությունների անձնակազմը կրճատելու որոշման մասին և խորհում է պատասխանի շուրջ։ «Այս չարդարացված միջոցը ափսոսանք է առաջացնում։ Մենք գնահատում ենք նման կրճատման ազդեցությունը և այն, թե ինչպես կպատասխանենք դրան։ Ներկա պահին այլ մեկնաբանություններ չենք տալիս», տեղեկացրել է պետդեպարտամենտի ներկայացուցիչը։ Ինչպես տեսնում ենք, ամերիկացիները նորից մտածելու են այն մասին, ինչն իրենց հիմա ընդհանրապես պետք չէ, քանի որ իրենց համար ավելի օգտակար կլիներ մտածել Պուտինի պատասխան քայլերի մասին հակառուսական նոր օրենքի՝ ուժի մեջ մտնելուց հետո։ Հուշենք, որ նախագահ Պուտինը նրանց համար մղձավանջային ապագա է պատրաստել։ Մասնավորապես, Պուտինը պարզապես կարող է արգելել տիտանի մատակարարումները ԱՄՆ-ին և հետևել, որպեսզի ոչ ոք չզբաղվի ամերիկացիներին ռուսական մետաղի վերավաճառքով։ Իսկ տիտանի 30%-ը «Բոինգ» կորպորացիան ստանում է Ռուսաստանից։ Ռուսաստանը քիչ կտուժի. տիտանն անպայման կթանկանա համաշխարհային շուկայում, ինչն էլ կփոխհատուցի ռուսաստանցի մետալուրգների կրած վնասները։ Միևնույն ժամանակ, Պուտինը մինչ այդ կհանի իր 110 մլրդ-ն ամերիկյան գանձապետարանի արժեթղթերից և կկարողանա ինքը ֆինանսավորել ռուսաստանյան բանկերն ու ընկերությունները, որոնց այսուհետ այլևս հասանելի չեն լինի արևմտյան էժան վարկերը։ Այնուհետև, Ռուսաստանը կարող է էապես սահմանափակել ալյումինիումի և նիկելի մատակարարումներն ԱՄՆ-ին՝ դրանով իսկ կոլապսի հասցնելով ամերիկյան խոշոր կորպորացիաների գործունեությունը։ Վերջապես, Ռուսաստանը կարող է անգնահատելի ծառայություն մատուցել անգլոսաքսերից այդքան տառապած Չինաստանին և ամերիկյան վարչակազմի ու առհասարակ ողջ էլիտայի կյանքը վերածել իսկական դժոխքի։ Դրա համար բավական է ընդառաջել չինացիներին և նրանց մատակարարել ռազմավարական բալիստիկ հրթիռներ պինդ վառելիքային շարժիչներով (չինացիները ցայսօր չեն սովորել պինդ վառելիքային շարժիչներ պատրաստել, դրա համար էլ նրանց ռազմավարական միջուկային ուժերը, որոնք աշխատում են հեղուկ վառելիքով, սպառնալիք չեն ներկայացնում ԱՄՆ-ի համար. ամերիկյան ՀՀՊ-ի դեմ նրանք գրեթե անզոր են)։ Այս միջոցը ոչ մի կերպ չի անդրադառնա ՌԴ պաշտպանունակության և անվտանգության վրա, քանի որ չինական ոչ մի հրթիռ ռուսական շարժիչով դեպի Ռուսաստանի կողմը երբեք չի կարող թռչել ֆիզիկապես, բայց «բացառիկ» Միացյալ Նահանգների համար դա բացառիկ ողբերգություն կդառնա։ Մի խոսքով՝ տեսնենք, թե ինչ տեսքով կստորագրի նախագահ Թրամփը «Ամերիկայի հակառակորդներին հակազդելու մասին» օրենքը և ինչով կպատասխանի այս անպատկառությանը համբերատար Վլադիմիր Պուտինը...






Դիտումների քանակ 280428


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

ԱՄՆ-ը զուր փորձում է փրկել ԻՊ-ը և վնասել Սիրիային

ԱՄՆ-ը զուր փորձում է փրկել ԻՊ-ը և վնասել Սիրիային

Սեպտեմբերի 24, 2017


Ռուսաստանի պաշտպանության նախարարությունը հրապարակել է Սիրիայում գրոհայինների վերահսկողության ներքո գտնվող տարածքների աերոլուսան...

ԱՄՆ-ն ընդդեմ Ուկրաինայի

ԱՄՆ-ն ընդդեմ Ուկրաինայի

Սեպտեմբերի 24, 2017


Ինչպես հայտնի է, ԱՄՆ նախագահ Դոնալդ Թրամփը Վիկտորյա Նուլանդի փոխարեն Ուկրաինայի նոր «նայող» է նշանակել։ Անունը Կուրտ Վոլքեր է։ ...

Թրամփը նոր երկիր է հայտնաբերել

Թրամփը նոր երկիր է հայտնաբերել

Սեպտեմբերի 21, 2017


ԱՄՆ նախագահ Դոնալդ Թրամփից ինչ ասես կարելի է սպասել: Բայց ամենաշատը նրանից կարելի է անտեղյակություն սպասել: Այդ բանը նախագահը մ...

Պուտինն արհամարհում է ամերիկյան «խուլիգաններին»

Պուտինն արհամարհում է ամերիկյան «խուլիգաններին»

Սեպտեմբերի 7, 2017


Ռուսական քաղաքականությունն ԱՄՆ-ի հանդեպ այսօր հենվում է մի հետաքրքիր գծի վրա, որն ինքը՝ Պուտինն անգամ չի փորձում թաքցնել։ Այն մ...

«Նուրեև»-ը՝ բալետ նոն-գրատա

«Նուրեև»-ը՝ բալետ նոն-գրատա

Հուլիսի 10, 2017


Կար բալետի մի այսպիսի մեծ արտիստ՝ Ռուդոլֆ Նուրեև (էթնիկ թաթար)։ 60-ականների սկզբին փախավ ԽՍՀՄ-ից (չվերադարձավ հյուրախաղերից), հ...

Պուտինը և Օբաման անձրևի տակ. սոցցանցերի արձագանքը

Պուտինը և Օբաման անձրևի տակ. սոցցանցերի արձագանքը

Հունիսի 24, 2017


«Իսկական տղամարդը ձախ կողմինն է, չգիտեմ ինչպես անվանել աջ կողմում կանգնած տղային»,- լուսանկարները մեկնաբանել է Michelle օգտատեր...

Ամերիկյան եսակենտրոնության և եսասիրության արդեն անտեղի դրսևորումների առիթով

Ամերիկյան եսակենտրոնության և եսասիրության արդեն անտեղի դրսևորումների առիթով

Հունիսի 17, 2017


Ռուսաստանյան օդադիեզերական ուժերի կողմից պրն ալ-Բաղդադիի (որը խալիֆ էր աշխատում այսպես կոչված «Իսլամական պետությունում») վերացո...

Թրամփ-անհաջողակը

Թրամփ-անհաջողակը

Հունիսի 16, 2017


Դոնալդ Թրամփի երրորդ կինը (ինչպեսև առաջին երկուսը) երբեք առաքինությամբ աչքի չի ընկել, և սոցցանցերի օգտատերերը կանոնավորապես կա...

Պուտինը ծաղրեց Աբրահամյանին

Պուտինը ծաղրեց Աբրահամյանին

Ապրիլի 18, 2017


Ռուսաստանի հայերի միության նախագահ Արա Աբրահամյանը տոնեց ծննդյան 60-ամյակը: Մեծ էր վերջինիս ցանկությունը` տոնակատարությունը վեր...

Դոնալդ Թրամփն ընդդեմ ՍԱՍ-ի Արտակի

Դոնալդ Թրամփն ընդդեմ ՍԱՍ-ի Արտակի

Ապրիլի 14, 2017


Երկու օր է` երկրի, համացանցի, լրատվամիջոցների և նույնիսկ իրավապահների ուշադրությունը սևեռված է «Hayastan24» կայքի կողմից հրապար...

Դոնալդ Թրամփը՝ Անգելա Մերկելին. աղյուս գնիր

Դոնալդ Թրամփը՝ Անգելա Մերկելին. աղյուս գնիր

Մարտի 26, 2017


ԱՄՆ նախագահ Դոնալդ Թրամփը Գերմանիայի կանցլեր Անգելա Մերկելից պահանջել է 375 մլրդ դոլար այն քայլերի համար, որոնք ՆԱՏՕ-ն ձեռնարկե...

Դոնալդ Թրամփի աղջիկը տանը չի մնա

Դոնալդ Թրամփի աղջիկը տանը չի մնա

Մարտի 23, 2017


Ընտրությունների մասնակից ընդդիմադիր քաղաքական ուժերի համար վերջերս մոդայիկ է դարձել խոսել կոալիցիաներից, այսինքն՝ խոսել այն մաս...

Կապ ունե՞ր արդյոք Ուրիխանյանը Թրամփի խորհրդականի հրաժարականի հետ

Կապ ունե՞ր արդյոք Ուրիխանյանը Թրամփի խորհրդականի հրաժարականի հետ

Փետրվարի 16, 2017


Ամերիկայից ստացվող նորությունների ֆոնին տպավորություն է ստեղծվում, ասես այնտեղ հաճախ է եղել Տիգրան Ուրիխանյանը և խորհրդատվությո...

Ինչպես Թրամփը խլեց մեր տունը

Ինչպես Թրամփը խլեց մեր տունը

Փետրվարի 2, 2017


Մենք սա միասին ենք գրել, քանի որ մեր մեջ ընդհանուր ինչ-որ բան կա։ Որոշ բաներ միանգամայն ակնհայտ են։ Մենք Միացյալ Նահանգներ ենք ...

Հայ գրանտակերներին սև օրեր են սպասվում

Հայ գրանտակերներին սև օրեր են սպասվում

Հունվարի 27, 2017


ԱՄՆ նորընտիր նախագահ Դոնալդ Թրամփը աշխարհին զարմացնելու և զայրացնելու բազմաթիվ առիթներ ունեցավ: Բայց դրանցից մեկը հատկապես անսպ...

Սաակաշվիլին թփերում

Սաակաշվիլին թփերում

Հունվարի 22, 2017


Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին գնացել էր Վաշինգտոն՝ Դոնալդ Թրամփի երդմնակալությանը մասն...

Ամերիկյան ողբերգություն

Ամերիկյան ողբերգություն

Հունվարի 21, 2017


Չէր հասցրել Դոնալդ Թրամփը ձեռքը վերցնել կառավարման սանձերը, երբ անմիջապես էլ համատիեզերական մասշտաբի ողբերգություն հրահրեց։ Երդ...

ԱՄՆ-ն ընդդեմ Թրամփի

ԱՄՆ-ն ընդդեմ Թրամփի

Հունվարի 20, 2017


Այսօր ԱՄՆ-ում թագադրում են Դոնալդ Թրամփին։ Դատելով ըստ ամենայնի՝ ընտրյալ նախագահն արմատական կամ գոնե էական ճշգրտումներ է մտցնել...

Ծառուկյանի պատասխան հարվածը Միացյալ Նահանգներին

Ծառուկյանի պատասխան հարվածը Միացյալ Նահանգներին

Հունվարի 17, 2017


Պարզվում է՝ Գագիկ Ծառուկյանը և քաղաքականությունում գտնվող մյուս հայ օլիգարխները լուրջ ազդեցություն ունեն ԱՄՆ-ում։ Ավելի ճիշտ՝ ա...

Պուտինն անձնական ֆիասկո է կրում Սիրիայում

Պուտինն անձնական ֆիասկո է կրում Սիրիայում

Դեկտեմբերի 11, 2016


Եթե Պալմիրան իսկապես ընկնի, ապա դա խայտառակություն կլինի ապաշնորհ, խայտառակ սիրիական բանակի համար՝ Բաշար Ասադի գլխավորությամբ, ...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
Զարուհին նաև ոստիկան է
Հոկտեմբերի 20, 2017


Զարուհին նաև ոստիկան է

Տուկի տուկ-տուկը
Սեպտեմբերի 19, 2017


Տուկի տուկ-տուկը

Ալիևի էվրիկան
Սեպտեմբերի 26, 2017


Ալիևի էվրիկան

Մի ծեծեք բժշկին, բայց…
Հոկտեմբերի 19, 2017


Մի ծեծեք բժշկին, բայց…

Օրենք աման լվալու մասին
Հոկտեմբերի 19, 2017


Օրենք աման լվալու մասին

Իսկապե՞ս էշի մեկն է
Սեպտեմբերի 29, 2017


Իսկապե՞ս էշի մեկն է

Մի ծեծեք բժշկին, բայց…
Հոկտեմբերի 19, 2017


Մի ծեծեք բժշկին, բայց…

Ծեծով մեծացած Խոսրովը
Հոկտեմբերի 18, 2017


Ծեծով մեծացած Խոսրովը

Վառածը ներկով է փակում
Հոկտեմբերի 17, 2017


Վառածը ներկով է փակում

Կանայք չեն մոռանում
Հոկտեմբերի 13, 2017


Կանայք չեն մոռանում

Իսկապե՞ս էշի մեկն է
Սեպտեմբերի 29, 2017


Իսկապե՞ս էշի մեկն է

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ