Ազգային խայտառակություն

Այսպես խոսեց ամերիկացին

Սեպտեմբերի 1, 2017
Այսպես խոսեց ամերիկացին

Օսկան Քոչարյան


Մինսկի խմբի ամերիկացի համանախագահ Ռիչարդ Հոգլանդի վերջին հայտարարությունն օգոստոսի վերջերին լայն արձագանք առաջացրեց Հայաստանի հասարակական-քաղաքական կյանքում, բազում գնահատականների արժանացավ: Այսպիսին է հայտարարության տեքստը.


«Հաշվի առնելով Լեռնային Ղարաբաղի բարդ պատմությունը՝ կողմերը պետք է պարտավորվածություն ստանձնեն որոշելու վերջնական իրավական կարգավիճակը` ապագայում անցկացվելիք փոխհամաձայնեցված և իրավականորեն պարտադիր կամարտահայտության միջոցով: Միջանկյալ կարգավիճակը ժամանակավոր բնույթ կկրի:


Նախկին Լեռնային Ղարաբաղի Ինքնավար Հանրապետության սահմանների մեջ մտնող այն տարածքը, որը չի վերահսկվում Բաքվի կողմից, պետք է միջանկյալ կարգավիճակ ստանա, որը, առնվազն, անվտանգության և ինքնակառավարման երաշխիքներ է տրամադրում:


Լեռնային Ղարաբաղի հարակից օկուպացված տարածքները պետք է վերադարձվեն Ադրբեջանի վերահսկողության տակ: Որևէ համաձայնություն հնարավոր չէ՝ առանց հաշվի առնելու Ադրբեջանի ինքնիշխանությունը, և ընկալումը, որ այդ տարածքների նկատմամբ Ադրբեջանի ինքնիշխանությունը պետք է վերականգնվի:


Պետք է լինի Հայաստանը Լեռնային Ղարաբաղի հետ կապող միջանցք: Այն պետք է բավարար լայնություն ունենա, որպեսզի ապահովի անվտանգ անցում, սակայն այն չի կարող ընդգրկել Լաչինի շրջանն ամբողջությամբ:


Կայուն համաձայնությամբ պետք է ճանաչվեն բոլոր ներքին տեղահանվածների և փախստականների իրավունքները` վերադառնալու իրենց նախկին բնակության վայրեր:


Համաձայնությունը պետք է ներառի անվտանգության միջազգային երաշխիքներ, որը կներառի խաղաղապահ առաքելություն: Գոյություն չունի որևէ սցենար, որի դեպքում խաղաղությունը կարող է ապահովվել առանց լավ մշակված խաղաղապահ առաքելության, որը վայելում է բոլոր կողմերի վստահությունը:


Ժամանակն է, որպեսզի կողմերը պարտավորվեն խաղաղ բանակցություններ վարել` հիմնվելով մինչև այժմ կատարված աշխատանքի վրա»:


Դժվար չէ կռահել, որ Ղարաբաղին և Հայաստանին ամերիկյան այս մոտեցումը կատարյալ թշնամություն է: Թե ինչի կվերածվի փախստականների վերադարձը` հայտնի է բոլորին, բայց կրկնենք, որ կվերածվի ողբերգության հայկական կողմի համար: Թե ինչի կհանգեցնի «խաղաղարար ուժերի» տեղակայումը` հիշեք Կոսովոյի պատմությունը, երբ խաղաղարարների զգոն վերահսկման ներքո ալբանացիները վտարեցին սերբերին իրենց պատմական հայրենիքից:


Ինչևէ, ամերիկացիների վերաբերմունքը Հայաստանի հանդեպ մեզ համար հստակ է, մեկ բառով այն կարելի է բնութագրել որպես թշնամություն: Փորձենք մի քանի տողով հիմնավորել այս պնդումը, ինչպեսև մի քանի արտահայտություն հնչեցնել մեր ազգային տավարության և երախտամոռության վերաբերյալ:


Ուրեմն, ամերիկացիներն ուզում են Ադրբեջանին հանձնել յոթ շրջան, վերադարձնել փախստականներին և, ամենակարևորը` տեղակայել իրենց զորքերը խաղաղապահների անվան տակ: Հայաստանի համար սա կործանարար է, միայն փախստականների վերադարձը կառաջացնի անկանխատեսելի քաոս: Մի խոսքով՝ Հայաստանի համար սա անընդունելի է: Տարածաշրջանի մեկ այլ հզոր ուժի` Իրանի համար սա նույնպես անընդունելի է: Գոնե այն պատճառով, որ ամերիկյան զորքերը կհայտնվեն Իրանի քթի տակ: Ռուսաստանի համար ամերիկյան դիրքորոշումը (ցավոք, այն բխում է Մադրիդյան սկզբունքներից, որոնք մեր գլխին փաթաթեցին կոմպլեմենտար Օսկանյանն ու Քոչարյանը) ընդհանրապես ընդունելի չէ: Գոնե այն պատճառով, որ այդ երկրին, որն այսօր իրականացնում է իսկական ռուսական ազգային արտաքին քաղաքականություն, հարիր չէ, որ Ալեքսանդր Առաջինի և Նիկոլայ Առաջինի պատմական ձեռքբերումներն այսօր հանձնվեն Ալիև ու Էրդողան էֆենդիներին և նրանց անդրօվկիանոսյան ղեկավարությանը, որպեսզի առաջիններն իրենց լավ զգան, պատմական ռևանշից հրճվեն, իսկ վերջինս Իրանի ճնշման համար հենարան ունենա: 1828-ին Նիկոլայ Առաջինը հանձնարարեց իր գերատեսչություններին. «Повелеваю заселить южные рубежи империи армянами…», ինչից հետո սկսվեց հայերի ներգաղթը Արևելյան Հայաստան (ի դեպ, հիշեցնենք, որ Ալեքսանդր Գրիբոյեդովն անուրանալի գործ արեց հայերի համար այն ժամանակ), որոնք բռնի ուժով 1604-ին տեղահանվել էին Պարսկաստան: Կարծում ենք, նորմալ ուղեղը, չբորբոքված երևակայությամբ և ռուսատյացությամբ չտառապող, կընդունի մեր հիմնավորումները, քանզի ինչ-որ ռացիոնալ մի բան այստեղ հակադարձելն անհնար է: Բայց...


Սա Հայաստանն է, որտեղ արևմտամետ լրատվամիջոցները հարգված են, անգամ իշխանությունների կողմից յուրահատուկ վերաբերմունքի են արժանանում: Եվ ինչպե՞ս արձագանքեցին սրանք այս հակահայկական հայտարարությանը: Իհարկե, առանց որևէ քննադատության՝ փորձելով արդարացնել ամերիկյան դիվերսիոն ծրագիրը: Իսկ կային ոմանք, ովքեր այս ամենը վերագրեցին…  Վլադիմիր Պուտինին` «ապացուցելով», թե իբր սա «ռուս-ամերիկյան համագործակցության եզակի օրինակ է», թե «Պուտինը մեջքից հարվածեց Սարգսյանին Հոգլանդով»: Ինչևէ, հզոր է ամերիկյան փողը, հզոր է հայերի տավարությունը, նողկալի է հայկական` անբարոյականության հասնող երախտամոռությունը: Էլ ասելիք չունենք...


Բայց պետք է մտածել ապագայի անելիքների մասին: Սակայն հայկական կողմն անելիք չունի, հետևաբար, պետք է մտածի չանելիքների մասին: Իսկ չանելիքը միակն է` ստատուս-քվոյի պահպանումը և Ռուսաստանի միջոցով Ադրբեջանին սադրանքներից հետ պահելը: Այսքանը բավական կլինի, որպեսզի ղարաբաղյան հարցը ժամանակին վերջնականապես լուծվի մեր օգտին: Իհարկե, պետք է պատրաստ լինել ամեն ինչի: Միանշանակ կարելի է ասել, որ ամերիկացիները Ալիև էֆենդուն կրկին կհասցնեն դժոխքի դուռը և կպարտադրեն ևս մեկ պատերազմ, ինչպես դա արեցին 2015-ի դեկտեմբերին, երբ Ալիևի ու նրա երկրի դեմ ավելի խիստ պատժամիջոցներ նախաձեռնեցին, քան Իրանի կամ Հյուսիսային Կորեայի, որոնցից Ալիևը փրկվեց ապրիլին` պատերազմ հրահրելով, թեպետ նրանից պահանջում էին երկարատև պատերազմ Ռուսաստանի հարավում: Ինչևէ, Թրամփի գալով ամերիկյան արտաքին քաղաքական փիլիսոփայությունը փոփոխության չենթարկվեց, Թրամփն անզոր դուրս եկավ իր երկրի պետական մեքենայի և քաղաքական վերնախավի դեմ պայքարում: Հետևաբար, մենք պետք է միշտ սպասենք նոր պատերազմի` ԱՄՆ-ի կողմից հրահրված, այն անխուսափելի է: Եվ պետք է հուսանք և ջանքեր գործադրենք, որպեսզի ամերիկյան նոր կարճատև արկածախնդրությունից հետո ՌԴ նախագահը ճանաչի Ղարաբաղի անկախությունը, ինչպես դա արեց 2008-ին` Օսիայի և Աբխազիայի պարագայում: Այն ժամանակ էլ ամերիկյան քաղաքական էլիտան չկարողացավ կանխատեսել Պուտինի բեկումնային քայլը և Սաակաշվիլուն հրահրելով՝ փաստորեն վերջ տվեց Վրաստանին: Համոզված ենք, որ այսօր էլ Վաշինգտոնում դժվար թե կռահեն, թե Ռուսաստանի ստորոտում պատերազմներ պահանջելուն ինչ կհետևի Ալիևից:


Հետգրություն


Թեպետ չանելիքից զատ հայկական կողմը կարող է իր համար անելիք էլ ստեղծել: Օրինակ, շատ ջերմորեն կարելի է ամերիկացիներին առաջարկել համապատասխանեցնել ամերիկյան դեսպանության աշխատակիցների գլխաքանակը հայկականների հետ Վաշինգտոնում: Մենք այնտեղ դժվար թե ունենանք 20-ից շատ աշխատակից, իսկ ամերիկացիների դեսպանատունը Երևանում ունի առնվազն հազար հատ աշխատասենյակ (աչքաչափով ենք ասում, իրականում ավելի շատ կլինի, այդ ահռելի շինությունն աշխարհի երկրորդ դեսպանական շենքն է, որը կառուցվել է չափազանց կասկածելի նպատակներով), իսկ թե քանի աշխատակից կա այնտեղ` կարծում ենք, անգամ Նալբանդյանը տեղյակ չէ (դժվար թե Վաշինգտոնում հարկ համարեն «սուվերեն» Հայաստանի արտգործնախարարին այդպիսի մանրուքների մեջ մտցնել): Յուրահատուկ հետաքրքիր կլինի տեսնել, թե ինչպես են ամերիկացիները 20 հոգով յոլա գնում այդ հսկայական կառույցի մեջ, ինչպես են անհանգստանում մեր կոռուպցիայով, ռուսական ազդեցության ծանր հետևանքներով: Մի խոսքով՝ վատ չէր լինի մեր մասին այդքան անհանգստացող պետությանը, որը մեզ առաջարկում է կործանում և պահանջում է այն շուտափույթ իրականացնել, զրկել ևս մեկ խոշոր միջազգային նշանակության հետախուզական դիվերսիոն որջից, ինչպես դա արեց Վլադիմիր Պուտինը Ռուսաստանում…






Դիտումների քանակ 74922


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Հայրենասիրական խորոված «Շարմ Հոլդինգից»

Հայրենասիրական խորոված «Շարմ Հոլդինգից»

Հոկտեմբերի 9, 2017


Մեր երկրում առաջին անգամ նշեցին Սպարապետի օրը: Պետք է կարծել, որ այն նվիրված է բոլոր զորավարներին, թեև հիմնական արարողությունը ...

Բաքու և Կիև. տարբեր ճակատագրեր, միևնույն ուղեղներ

Բաքու և Կիև. տարբեր ճակատագրեր, միևնույն ուղեղներ

Հոկտեմբերի 4, 2017


Բանդերական Ուկրաինայի ԱԳՆ ղեկավար Պավլո Կլիմկինը այցով Բաքվում եղած ժամանակ սրտակցություն է հայտնել ադրբեջանական ժողովրդին և իր...

Հերիք է ամբախ-զամբախ խոսեք

Հերիք է ամբախ-զամբախ խոսեք

Սեպտեմբերի 25, 2017


Երբ նախապատրաստվում էր Նյու Յորքում կայանալիք Հայաստանի և Ադրբեջանի արտգործնախարարներ Էդվարդ Նալբանդյանի ու Էլմար Մամեդյարովի հ...

Ղարաբաղյան բեկվածք. խաղաղություն ուժով

Ղարաբաղյան բեկվածք. խաղաղություն ուժով

Հունիսի 23, 2017


Իրավիճակը ղարաբաղյան հակամարտության գոտում մտել է սրացման հերթական փուլ։ Առաջնագծում ակտիվացել է ականանետա-հրետանային հարվածներ...

Պարապների դիտորդական առաքելությունը

Պարապների դիտորդական առաքելությունը

Մայիսի 29, 2017


Օրերս ԵԱՀԿ Մինսկի խումբը հանդես եկավ պաշտոնական հայտարարությամբ` տեղեկացնելով, թե շատ լուրջ համաձայնություն է ձեռք բերվել Ղարաբ...

Մինսկի խմբին անմեղներ պետք չեն

Մինսկի խմբին անմեղներ պետք չեն

Մայիսի 19, 2017


Տարիներ շարունակ Հայաստանը հետևողականորեն ու մշտապես կոչ է անում ԵԱՀԿ Մինսկի խմբիհամանախագահներին անվանական մատնանշել զինադադար...

Տեր-Պետրոսյանի դիվերսիան պետք է արհամարհել

Տեր-Պետրոսյանի դիվերսիան պետք է արհամարհել

Մարտի 22, 2017


Իմաստուն մարդ է Լևոն Տեր-Պետրոսյանը: Գաղափարի, մտքի, խելքի, ուղեղի այս աննախադեպ դեֆիցիտի ժամանակ նա կարողացավ մի գաղափար մոգոն...

Ադրբեջանի գլխավոր դատախազությունը պատժում է ԶԼՄ-ներին հայկական ռեսուրսների նյութերն օգտագործելու համար

Ադրբեջանի գլխավոր դատախազությունը պատժում է ԶԼՄ-ներին հայկական ռեսուրսների նյութերն օգտագործելու համար

Փետրվարի 28, 2017


Ադրբեջանի գլխավոր դատախազությունը չի ծուլացել և հետաքննություն է անցկացրել, որի արդյունքում պարզվել է, որ «Ադրբեջան 24» կայքում...

Ալիևին պատմության և տրամաբանության բժիշկներ են անհրաժեշտ

Ալիևին պատմության և տրամաբանության բժիշկներ են անհրաժեշտ

Հունվարի 23, 2017


«Ղարաբաղյան հակամարտության կարգավորումը պարզ է։ Ամենագլխավորն այն է, որ պետք է վերականգնել Ադրբեջանի տարածքային ամբողջականությո...

Դասալիքներն առաջնագծում

Դասալիքներն առաջնագծում

Հունվարի 20, 2017


Հայաստանը կարծես լկտի, լպիրշ և ցուցամոլական ավանդույթների երկիր է դառնում: Ապրիլյան պատերազմից հետո ծնվեց ևս մեկ նման ավանդույթ...

Ալիևը վեհանձն է դառնում

Ալիևը վեհանձն է դառնում

Հոկտեմբերի 18, 2016


Ալիևը մտնում է հոգու և մարմնի ազնվացման գործընթաց։ Նա համաձայն է Ղարաբաղը հանրապետություն սարքել իր փադիշահության կազմում։ Հարց...

Ադրբեջանում դեռ չեն հասկացել, որ Պուտինը լուծել է ղարաբաղյան հարցը

Ադրբեջանում դեռ չեն հասկացել, որ Պուտինը լուծել է ղարաբաղյան հարցը

Սեպտեմբերի 21, 2016


Դեռ մինչև երևանյան զորահանդեսը՝ ադրբեջանական մամուլը վխտում էր Հայաստանի ռազմական հզորության և ներկայացված սպառազինությունների՝...

Ղարաբաղի անհասկանալի տոնը

Ղարաբաղի անհասկանալի տոնը

Սեպտեմբերի 2, 2016


Այսօր Ղարաբաղում տոն է` տոնում են անկախության հռչակման 25-րդ տարեդարձը: 1991թ. օգոստոսի 30-ին Ադրբեջանը հայտարարեց իր անկախությ...

Ազգանվերները չեն ուզում հող տալ, բայց չեն սիրում կռվել

Ազգանվերները չեն ուզում հող տալ, բայց չեն սիրում կռվել

Հուլիսի 16, 2016


Օսկանյանը համոզված է, որ իր բալեն պիտի առաջին գիծ չգնա, քանզի պարբերաբար օգտագործում է մորֆի, հերոին և այլ թանկարժեք թմրանյութե...

Մեզ տարածքներ պետք չեն

Մեզ տարածքներ պետք չեն

Մայիսի 23, 2016


Ինչպես հայտնի դարձավ, այսօր Լեռնային Ղարաբաղի պաշտպանության բանակի իրականացված զորավարժություններից հետո մեծ հրդեհ է առաջացել Ա...

Ղարաբաղի վերականգմանն Ադրբեջանը 300 միլիարդ կհատկացնի

Ղարաբաղի վերականգմանն Ադրբեջանը 300 միլիարդ կհատկացնի

Մայիսի 21, 2016


Մինչ ՀՀԿ խմբակցության ղեկավար Վահրամ Բաղդասարյանը խոսում է անմարդաբնակ հողերի մասին, որոնք իբր մեզ պետք չեն, ԱԺ փոխխոսնակ Հերմի...

Մի՞թե Հայաստանի գործերն այդքան վատ են

Մի՞թե Հայաստանի գործերն այդքան վատ են

Մայիսի 20, 2016
1

Ադրբեջանական կողմն իրեն ռազմական և դիվանագիտական ճակատում, հաղթած համարելով, սկսել է քննարկել տարածքների վերադարծման ձևաչափերը:...

Ռուսները պահանջում են ճանաչե՞լ Արցախը

Ռուսները պահանջում են ճանաչե՞լ Արցախը

Մայիսի 9, 2016


Այն օրը, երբ լուր տարածվեց, որ ՀՀ Կառավարությունում ներկայացվել է Հայաստանի կողմից ԼՂՀ ճանաչման նախագիծը, առաջին արձագանքողների...

Մեր երկրի վրա էլ Հրանուշները չեկան

Մեր երկրի վրա էլ Հրանուշները չեկան

Մայիսի 5, 2016


Իրավիճակները թելադրում են իրավիճակային լուծումներ, ծնունդ են տալիս զանազան գաղափարների՝ թե լավ, թե վատ: Բայց լինում են նաև գաղա...

Մանվելի, Լիսկայի և այլոց տված անսպասելի օգուտը Ղարաբաղին

Մանվելի, Լիսկայի և այլոց տված անսպասելի օգուտը Ղարաբաղին

Ապրիլի 16, 2016
3

Ղարաբաղից նաև ուրախ լուրեր են գալիս: Այսպես, մեռոնվել են Ստեփանակերտի «Արմենիա» հյուրանոցի սեփականատերերը: Ղարաբաղում ամենաէլիտ...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը
Զարուհին նաև ոստիկան է
Հոկտեմբերի 20, 2017


Զարուհին նաև ոստիկան է

Տուկի տուկ-տուկը
Սեպտեմբերի 19, 2017


Տուկի տուկ-տուկը

Ալիևի էվրիկան
Սեպտեմբերի 26, 2017


Ալիևի էվրիկան

Մի ծեծեք բժշկին, բայց…
Հոկտեմբերի 19, 2017


Մի ծեծեք բժշկին, բայց…

Օրենք աման լվալու մասին
Հոկտեմբերի 19, 2017


Օրենք աման լվալու մասին

Իսկապե՞ս էշի մեկն է
Սեպտեմբերի 29, 2017


Իսկապե՞ս էշի մեկն է

Մի ծեծեք բժշկին, բայց…
Հոկտեմբերի 19, 2017


Մի ծեծեք բժշկին, բայց…

Ծեծով մեծացած Խոսրովը
Հոկտեմբերի 18, 2017


Ծեծով մեծացած Խոսրովը

Վառածը ներկով է փակում
Հոկտեմբերի 17, 2017


Վառածը ներկով է փակում

Կանայք չեն մոռանում
Հոկտեմբերի 13, 2017


Կանայք չեն մոռանում

Իսկապե՞ս էշի մեկն է
Սեպտեմբերի 29, 2017


Իսկապե՞ս էշի մեկն է

ՀԱՐՑՈՒՄՆԵՐ






ՀԱՐՑՈՒՄՆԵՐ







Քվեարկությունների արխիվ