Խայտառակություն առանց մեկնաբանության

Պուտինն արհամարհում է ամերիկյան «խուլիգաններին»

Սեպտեմբերի 7, 2017
Պուտինն արհամարհում է ամերիկյան «խուլիգաններին»

Ռուսական քաղաքականությունն ԱՄՆ-ի հանդեպ այսօր հենվում է մի հետաքրքիր գծի վրա, որն ինքը՝ Պուտինն անգամ չի փորձում թաքցնել։ Այն միաժամանակ ներառում է արհամարհանք, ծաղրանք և հետաքրքրության բացարձակ բացակայություն ընդհանուր նախաձեռնությունների հանդեպ, որոնք ներկա պահին համարվում են միանգամայն անարդյունավետ ամերիկյան ղեկավարության անօգնականության, անդաստիարակության և անկուլտուրականության պատճառով։ Պուտինն ԱՄՆ իշխանությունների մասին խոսում է որպես անպատասխանատու, բայց ոչ՝ սիկապես վտանգավոր բարբարոսների մասին, որոնք աչքի չեն ընկնում առանձնակի խելքով և տառապում են սրված հոգեբանական պաթոլոգիայով (այն, ի դեպ, նրանց մեջ չի բացառում որոշակի վախկոտությունը)։ Պուտինի այս դիրքորոշումը հատկապես նկատելի դարձավ Չինաստանում կայացած ԲՐԻԿՍ գագաթաժողովի մամլո ասուլիսում և հաստատում է այն, ինչի մասին մենք գրել ենք 2017թ. օգոստոսի 27-ին՝ Reuters-ի զեկույցի առիթով. «Ռուսաստանցիները, վերջապես, ամեն բան հասկացան, և հիմա Պուտինի լուսանկարներում հեգնանք է և գրեթե զվարճանք այն ներկայացման առիթով, որը կազմակերպում են ամերիկյան «գործընկերները»։ Լավրովին հետաքրքիր չեն հանդիպումները Թիլերսոնի հետ, ով, միևնույն ժամանակ, շատ է զբաղված Պետդեպարտամենտում վերադասավորումներ անելով և, ինչպես խոսում են, կարող է պաշտոնից հեռանալ մինչև տարեվերջ։ Մեզ ահա արդեն երեք շաբաթ ասում են, որ երբ ռուսաստանցիները հետևում են վաշինգտոնյան այս սերիալին, ապա լոկ անտարբեր ուսերն են թոթվում։ «Ոչ ոք այլևս դրան ուշադրություն չի դարձնում և որևէ տեղաշարժ չի սպասում»,- տեղեկացրել է Reuters-ին Ռուսաստանի կառավարությունում գտնվող աղբյուրը։ «Շունը հաչում է, քարավանը՝ քայլում»,- Մոսկվայի վերաբերմունքը Սպիտակ տան իրադարձությունների ջրապտույտին մեկնաբանել է աղբյուրը»։ ԲՐԻԿՍ գագաթաժողովի արդյունքներով՝ սեպտեմբերի 4-ին Պուտինը չափազանց կոշտ է արտահայտվել ոչ միայն ԱՄՆ քաղաքականության և Վաշինգտոնում տիրող իրավիճակի, այլև ամերիկյան կառավարության քաղաքական ու դիվանագիտական անձնակազմի որակի մասին։ Դիալեկտիկական տեսանկյունից դժվար է պատկերացնել ավելի քամահրական ու նսեմացուցիչ ակնարկներ, քանի որ դրանք կասկածի տակ են դնում քաղաքական էլիտայի կուլտուրան ու ինտելեկտը։ Այս ամենը դարձավ ռուսաստանյան նոր դիրքորոշման հիանալի հաստատումը, որը ներառում է չափից ավելի սառնություն քաղաքականությունում և անգործություն համագործակցության առումով, ինչպես նաև հոգեբանական և ինտելեկտուալ խզում, որը բնութագրվում է արհամարհանքի արտահայտմամբ։ Պուտինը գրեթե բացահայտ հայտարարում է ԱՄՆ ղեկավարությանը. «Չի կարելի խոսել բութ վայրենիների և խավար բարբարոսների հետ»։ Ինչ վերաբերում է ամերիկյան ղեկավարությանը և էլիտային, նրանք ակնհայտորեն չլսեցին և հաստատ չհասկացան իրենց ուղղված ուղերձը։

 

Առաջարկում ենք ձեզ ծանոթանալ Պուտինի ելույթի հետևյալ հատվածին. «Դժվար է երկխոսություն վարել այն մարդկանց հետ, ովքեր Ավստրիան շփոթում են Ավստրալիայի հետ։ Այստեղ արդեն որևէ բան անել չես կարող, այսպիսին է, հավանաբար, ամերիկյան իսթեբլիշմենթի որոշակի հատվածի քաղաքական կուլտուրայի մակարդակը։ Ամերիկյան ազգը, ամերիկացի ժողովուրդը, Ամերիկան հիրավի մեծ երկիր է և մեծ ժողովուրդ, եթե դիմանում են քաղաքական կուլտուրայի նման ցածր մակարդակ ունեցող մարդկանց այդքան քանակության»։


Այս խոսքերն ուղեկցվել են հյուսիսկորեական ճգնաժամի շուրջ դիվանագիտական իրավիճակի աննպաստ գնահատականով, որի շրջանակում Ռուսաստանի նախագահը նորից ողջ պատասխանատվությունը դրել է ԱՄՆ-ի վրա... Բանն այն է, որ թեև ինքը՝ Պուտինը, ԿԺԴՀ միջուկային զենքի մշակումն անցանկալի և անգամ դատապարտման արժանի է համարում միջազգային կայունության տեսանկյունից, բայց նա կարծում է, որ այն անխուսափելի է և արդարացվում է տասնամյակներ շարունակ ԱՄՆ-ի կողմից վարվող խափանարար քաղաքականությամբ, որը ենթադրում է ռեժիմի տապալում՝ դրան հետևող բարբարոսական քաոսով... «Դուք մտածում եք, թե ինչ-որ պատժամիջոցների ընդունման պատճառով Հյուսիսային Կորեան կհրաժարվի այն ուղեգծից, որը որդեգրել է զանգվածային ոչնչացման զենք ստեղծելու նպատակով։ Ռուսաստանը դատապարտում է այդ վարժությունները Հյուսիսային Կորեայի կողմից, մենք կարծում ենք, որ դրանք սադրիչ բնույթ են կրում։ Բայց մոռանալ այն մասին, ինչը ես հենց նոր ասացի Իրաքի, իսկ հետո Լիբիայի վերաբերյալ, մենք նույնպես չենք կարող։ Եվ հյուսիսկորեացիներն էլ հաստատ չեն մոռանա»։


Ընդգծվել է նաև ուժային քաղաքականության անհեթեթությունը. պատժամիջոցներ, ռազմական սպառնալիքներ՝ ընդհուպ մինչև երկրի ոչնչացումը։ ԱՄՆ-ը դրանով իսկ հերթական անգամ ի ցույց է դնում իր բարբարոսությունն ու քաղաքական անկուլտուրականությունը, էլ չենք ասում սովորական հիստերիայի մասին, որը հերթական անգամ հասել է գագաթնակետին «հյուսիսկորեական միջուկային սպառնալիքի» ճգնաժամի իրադրությունում։ Պուտինը դատապարտել է «ռազմական հիստերիայի հրահրումը», որը «կարող է հանգեցնել գլոբալ մոլորակային աղետի և մարդկային զոհերի հսկայական քանակության»։


Բացի այդ, Վլադիմիր Պուտինն ընդգծել է Փհենյանի դեմ տնտեսական պատժամիջոցների անիմաստությունը, որոնց մասին վերջերս խոսել է Դոնալդ Թրամփը։ Ըստ նրա՝ կորեացիները «խոտ կուտեն, բայց չեն հրաժարվի այդ ծրագրից, եթե իրենց անվտանգ չզգան»։ Հյուսիսային Կորեան իսկապես արդարացնում է իր միջուկային ծրագրի զարգացումը ԱՄՆ-ի կողմից սպառնալիքի առկայությամբ։


ԱՄՆ-ի հանդեպ ռուսաստանյան թշնամանքի և արհամարհանքի ևս մեկ պատճառ է դարձել Վաշինգտոնի վերաբերմունքը ամերիկյան տարածքում Ռուսաստանի դիվանագիտական սեփականության հանդեպ։ Բանն այն է, որ ամերիկյան իշխանությունները ներխուժել են այդ սեփականության մի մասի մեջ և զրկել ռուսաստանցիներին դրանցից օգտվելու իրավունքից, ինչը դիվանագիտական իմունիտետի մասին Վիեննայի համաձայնագրերի խախտում է նշանակում, որոնք քաղաքակիրթ դիվանագիտական հարաբերությունների հիմքն են հանդիսանում։ Այդ կարգին պատկանող մարդիկ և ունեցվածքը օգտվում են իմունիտետից օտարերկրյա պետությունում, որի տարածքում ներկայացնում են իրենց երկիրը։ Լավրովը նախազգուշացրել է իր պաշտոնակից Թիլերսոնին, որ Ռուսաստանը բողոք կներկայացնի համապատասխան միջազգային ատյաններին։ Թիլերսոնը նրան չի պատասխանել, թե ԱՄՆ-ը թքած ունի դրա վրա, որովհետև անկիրթ մարդ չի երևում։ Համենայնդեպս, բոլորին է պարզ, որ Վաշինգտոնում հենց այսպիսի զգացողություններ են տիրում։ Սույն պարագայում դրանք միավորում են Թրամփի վարչակազմին և նրա բոլոր բազմաթիվ հակառակորդներին։ Այլ կերպ ասած՝ բարբարոսությունն ու անկուլտուրականությունն այն ոլորտներն են, որտեղ բոլորն ԱՄՆ-ում հիանալի կարող են պայմանավորվել։


Ռուսաստանում նման գործողություններն ընկալվում են որպես խուլիգանություն։ Հենց նման զգացողություն են այսօր առաջացնում ԱՄՆ-ը, նրա կեղծ-դիվանագիտությունը, տարատեսակ սպառնալիքները, լեգալության սահմանին գտնվող և ակնհայտորեն ամեն տեսակ օրինականությունից դուրս գործողությունները։ ԲՐԻԿՍ-ի այդ նույն գագագաթաժողովում ՌԴ փոխարտգործնախարար Սերգել Ռյաբկովը ԱՄՆ գործողությունները ԱՄՆ-ում ռուսաստանյան դիվանագիտական սեփականության հանդեպ անվանեց «պետական խուլիգանություն»։ Այս ամենը ԱՄՆ-ին բավական ինքնատիպ սահմանում է տալիս, որը լիովին կարող է տարածվել պոստմոդեռնիստական տեղեկատվական շրջանակներում՝ «խուլիգան-պետություն»։


Պուտինը և Ռուսաստանը լոկ արտահայտում են ընդհանուր կարծիքն այն մասին, որ ԱՄՆ-ը անհամեմատ ավելի մեծ չափով խուլիգան-պետություն է, քան գերտերություն։ Սա խոր ռազմավարական և անգամ օնթոլոգիական նշանակություն ունի։ Նման ընկալումն ու գնահատականը պետք է հանգեցնեն դիրքորոշման լիակատար փոփոխության ԱՄՆ-ի վարքագծի, այդ երկրի հաշվով առկա վախերի, նրա սպառնալիքների ու ցասումնաճառերի հանդեպ։ Խուլիգան-պետության վնասակար գործողությունները սովորաբար ենթադրում են վախկոտություն և փոքրոգություն, խիզախության և մեծ նպատակների բացակայություն, որոնք միշտ ընկած են մասշտաբային ռազմավարության հիմքում (այդ թվում և իմպերիալիստական)։ Ամոբղջ բանն այն է, որ նրա նպատակը գողությունն է, թալանը և ծովահենությունը՝ իր համար նվազագույն ռիսկով...


Դա նշանակում է, որ հիմա ԱՄՆ-ից պետք է զգուշանալ շատ ավելի քիչ, քան մենք կարծում ենք, քանի որ խուլիգան-պետությունը չի ձեռնարկի իր համար չափից ավելի ռիսկային քայլեր։ 2017թ. օգոստոսի 26-ին մենք գրել ենք ամերիկյան զինվորականների և նրանց ղեկավարության վարքի մասին՝ Ալեքսանդր Մերկուրիի (Alexander Mercouris) եզրահանգումների հիման վրա. «Մերկուրին կարծում է, թե խոսքը հենց այն մասին է, ինչն այսօր կարելի է սպասել ամերիկյան զինվորից. չափից ավելի ագրեսիվություն այնտեղ, որտեղ գրեթե ոչ մի ռիսկ չկա, և չափից ավելի զգուշավորություն այնտեղ, որտեղ կա ռիսկ (նորից երկու տերությունների հանդեպ՝ Ռուսաստանի և Չինաստանի)։ Այս ամենը Մերկուրիին հանգեցնում է ռազմավարության մասին հարցին։ Ավելի պարզ ասած՝ ինչի՞ն է ծառայում այս ամենը»։


Բայց որտե՞ղ է ասված, որ դա պետք է ինչ-որ բանի ծառայի։ Հարցի պատասխանն այն է, որ բնավ պարտադիր չէ, որ դա ինչ-որ նպատակի համապատասխանի... Մի՞թե կա գոնե ինչ-որ ռազմավարություն խուլիգանի և հատկապես խուլիգան-պետության վարքի մեջ, որին առաջնորդում են նիհիլիզմն ու արագ շահի որոնմանը հանգեցված ինտելեկտուալ հնարավորությունները։ Կամ՝ ջանադրաբար դաստիարակվող անկուլտուրականությունը, որը հետաքրքրվում է լոկ թալանով և թքած ունի ամեն տեսակ օրենքների վրա... Հենց սա ենք մենք տեսնում ԱՄՆ-ում՝ Թրամփից մինչև Մակքեյն, բազե գեներալներից մինչև սոցիալ-պրոգրեսիստները խորհրդարանում։


Սույն պարագայում չի կարելի չընդունել Պուտինի և Ռուսաստանի վաստակն այն բանում, որ նրանք պարզ ու հստակ արտահայտում են իրենց դիրքորոշումն ԱՄՆ-ի հանդեպ։ Պուտինի խոսքերն ամերիկյան ղեկավարության և էլիտայի անկուլտուրականության մասին շատ ավելին են մեզ ասում, քան ԱՄՆ վարքի հիմքերի բազմահատոր ռազմավարական վերլուծությունները։ Ամերիկյան էլիտան խավար բարբարոսների և (այն հարցում, ինչը վերաբերում է աշխարհի և նրա բանական ընկալման մասին պատկերացումներին) չլուսավորված ապուշների էլիտա է։ Այդ էլիտան, հասկանալի է, կոռումպացված է և մինչև ուղնուծուծը կեղծավոր, բայց նման մեխանիկական երկերեսանիությունը նրան ոչինչ չի տալիս՝ մանևրի և գործողության ազատության առումով։ Նրա բարբարոսությունը կրում է պոստմոդեռնիստական բնույթ, այն վախկոտ է և կարող է դավաճանաբար հարվածել լոկ ամենաթույլերին՝ պոչը մտցնելով ոտքերի արանքը իսկական ուժի դիմաց։ Դա «ներքին բարբարոսություն» է, որի մասին Ժան-Ֆրանսուա Մաթեյը (Jean-François Mattei) ասում է. ապուշությունը և քաղաքակիրթ կանոնների հանդեպ լիակատար անհարգալից վերաբերմունքը դրանում համադրվում են անսահման փոքրոգության հետ։


Այս ամենը, ինչպես նաև ԲՐԻԿՍ գագաթաժողովում հնչած հայտարարությունները հաշվի առնելով՝ Ռուսաստանը, հավանաբար, մոտենում է այն բանին, որպեսզի այս դատողությունները դարձնի իր քաղաքականության մի մասը և մշակի համապատասխան վերաբերմունք ԱՄՆ-ի հանդեպ։ Թրամփի հետ կապված իրավիճակը (հարաբերությունների բարելավման հույսը խորտակվեց վաշինգտոնյան սերիալի հիստերիկ քաոսում, քանի որ Թրամփը, գուցե, կգերադասեր կարգավորել հարաբերությունները Մոսկվայի հետ, բայց անընդհատ պաշտպանում է ամենավատ գործողությունները նրա նկատմամբ), անշուշտ, վճռական դեր է խաղացել։ Այսուհետ պուտինյան «դիվանագիտությունը» ԱՄՆ-ի հանդեպ կարող է լիովին մի կողմ նետել անհարկի զգուշավորությունը և չափից ավելի հարգալից վերաբերմունքը, հստակ արտահայտել իր տեսակետը առավել կոշտ եղանակով։ Ռուսաստանցիները, հավանաբար, սկսում են գիտակցել, որ առանձնակի պատճառներ չունեն զգուշանալու այնպիսի խուլիգան-պետության, գերտերության ռեակցիայից, որը վերածվել է տձև մասսայի և չափից ավելի վախկոտ է, որպեսզի մարտահրավեր նետի հակառակորդին, եթե նա կարող է հաղթել իրեն և հրապարակավ նսեմացնել՝ ցույց տալով, թե ինչ է իրենից ներկայացնում իրականում։

 

Աղբյուրը՝ ИНОСМИ 







Դիտումների քանակ 70136


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

ԱՄՆ-ը անհանգիստ է, մենք էլ ենք անհանգիստ

ԱՄՆ-ը անհանգիստ է, մենք էլ ենք անհանգիստ

Ապրիլի 18, 2018


Երկու գերտերությունները` Ռուսաստանն ու Միացյալ Նահանգները, արձագանքել են Հայաստանում կատարվող դեպքերին: Մոսկվան ասել է, որ Կրեմ...

Ամերիկացի գեներալը Թրամփին՝ ձայններդ կտրեք և ասացեք՝ ո՞ւմ ռմբակոծենք

Ամերիկացի գեներալը Թրամփին՝ ձայններդ կտրեք և ասացեք՝ ո՞ւմ ռմբակոծենք

Ապրիլի 13, 2018


Տեղեկացվում է, որ Դոնալդ Թրամփի անկապ խոսքի 20-րդ րոպեին, երբ ասում էր, թե որը պետք է լինի հաջորդ քայլը Սիրիայում, ամերիկացի գ...

Արևմուտքն իր սադրանքներով ստուգում է Ռուսաստանի՝ պատերազմին պատրաստ լինելը

Արևմուտքն իր սադրանքներով ստուգում է Ռուսաստանի՝ պատերազմին պատրաստ լինելը

Մարտի 22, 2018


Երկրագնդում ավելի մեծ սպառնալիք չկա, քան Վաշինգտոնն է։ Երկիր մոլորակի վրա կյանքը ոչնչացնելու Վաշինգտոնի վճռականության զսպումը ա...

Արա Աբրահամյանի խորովածանոցը

Արա Աբրահամյանի խորովածանոցը

Մարտի 19, 2018


Երեկ Ռուսաստանը նախագահ էր ընտրում: Ընտրական գործընթացներին աննախադեպ ակտիվություն էր ցանկացել ցուցաբերել նաև Վլադիմիր Պուտինի ...

Ազգային անասունների մտածողության առիթով

Ազգային անասունների մտածողության առիթով

Մարտի 9, 2018


Ռուսաստանի կողմից միջուկային զենքի կիրառման հնարավոր հանգամանքների մասին է Սաիդա Մեդվեդևայի «Աշխարհակարգ-2018» վավերագրական ֆիլ...

Ամերիկան սեռափոխվում է

Ամերիկան սեռափոխվում է

Մարտի 5, 2018


Ամերիկյան լրատվամիջոցները հաճույքով շեփորում են իրենց երկրում ազատության նոր ձեռքբերումների մասին: Տեղեկացվում է, որ ԱՄՆ Դելավե...

Այդ ինչպե՞ս են որոնում, որ չեն գտնում

Այդ ինչպե՞ս են որոնում, որ չեն գտնում

Մարտի 2, 2018


Հաղորդավարուհի Դինա Ակոպովնայի, նույն ինքը` Դիանա Գրիգորյանի պատմության մասին արդեն շատերն են տեղյակ: Շուրջ մեկ ամիս առաջ ԱՄՆ ա...

Վաշինգտոնը Ադրբեջանի պատմական տարածք է

Վաշինգտոնը Ադրբեջանի պատմական տարածք է

Փետրվարի 27, 2018


Երբ փետրվարի 8-ին՝ ելույթ ունենալով Ադրբեջանում, իշխող «Ենի Ազերբայջան» կուսակցության համագումարում՝ այդ երկրի նախագահ Իլհամ Ալ...

ԱՄՆ հետախուզությունն ասում է հանրահայտը

ԱՄՆ հետախուզությունն ասում է հանրահայտը

Փետրվարի 17, 2018


ԱՄՆ Ազգային հետախուզության տնօրեն Դենիել Քոութսը հրապարակեց իր հերթական զեկույցը, և այնտեղ խոսվում է նաև հայ-ադրբեջանական ռազմա...

Անբարոյականություն ամերիկյան ձևով

Անբարոյականություն ամերիկյան ձևով

Հունվարի 30, 2018


Շատերն արդարացիորեն կարծում են, որ անբարոյականությունն անբարոյականություն է, որտեղ էլ որ այն լինի, ինչպես որ տուզն է տուզ նաև Ա...

Ասում և ապացուցում են ամերիկացիները. Դոնալդ Թրամփը տխմար է և դեգեներատ

Ասում և ապացուցում են ամերիկացիները. Դոնալդ Թրամփը տխմար է և դեգեներատ

Հունվարի 14, 2018


Թրամփը դժգոհ է եղել նրանց սարքած ալիքից և տրտնջացել, որ այն «ձանձրալի է», քանի որ «գորիլաները չեն կռվում»։ Աշխատակիցները կտրել-...

Ծախու և չծախվող Հայաստան

Ծախու և չծախվող Հայաստան

Դեկտեմբերի 22, 2017


Երեկ ՄԱԿ-ի Գլխավոր վեհաժողովը բանաձև ընդունեց, որով մերժեց Երուսաղեմը որպես Իսրայելի մայրաքաղաք հայտարարելու ԱՄՆ-ի որոշումը: Բա...

Ամերիկացիները մեկուսացման մեջ են (ավելի ճիշտ՝ տակները լցրել են)

Ամերիկացիները մեկուսացման մեջ են (ավելի ճիշտ՝ տակները լցրել են)

Դեկտեմբերի 22, 2017


Ինչպես հայտնի է, ԱՄՆ-ը Երուսաղեմը ճանաչել է Իսրայելի միակ ու անբաժանելի մայրաքաղաքը՝ դրանով իսկ հերթական անգամ անարգելով միջազգ...

Ոչխարների շահագործումը վտանգավոր է պետական իշխանության համար

Ոչխարների շահագործումը վտանգավոր է պետական իշխանության համար

Դեկտեմբերի 6, 2017


Սովորաբար նորմալ մարդիկ, ինչ-որ մեկին պատասխանատու պետական, մանավանդ՝ ոչ հանրային պաշտոնի առաջադրելիս, ուշադիր զննում են առաջադ...

Սպասենք Պուտինի «ասիմետրիային»

Սպասենք Պուտինի «ասիմետրիային»

Դեկտեմբերի 5, 2017


Միայն այն փաստը, որ ամերիկյան հատուկ ծառայությունները գնել են ծախու ռուս խոզին ի հաշիվ ամերիկյան հարկատուների, որպեսզի նրանից կ...

Գոլոդոմորը՝ Ռուսաստանին մեծ տերության կարգավիճակից զրկելու միջոց

Գոլոդոմորը՝ Ռուսաստանին մեծ տերության կարգավիճակից զրկելու միջոց

Նոյեմբերի 18, 2017


Նկատենք, որ ԱՄՆ կոնգրեսը այդպես էլ չի ճանաչել և չի դատապարտել Հայոց ցեղասպանությունը, որն անվիճելի պատմական փաստ է, բայց, ահա, ...

Մոսկվան հանել է Լեռնային Ղարաբաղի հարցը Թուրքիայի և Ռուսաստանի օրակարգից

Մոսկվան հանել է Լեռնային Ղարաբաղի հարցը Թուրքիայի և Ռուսաստանի օրակարգից

Նոյեմբերի 14, 2017


Ռուսաստանի նախագահ Վլադիմիր Պուտինի և Թուրքիայի նախագահ Թայիփ Էրդողանի՝ Սոչիում կայացած բանակցությունների արդյունքները փաստորեն...

ԱՄՆ-ը զուր փորձում է փրկել ԻՊ-ը և վնասել Սիրիային

ԱՄՆ-ը զուր փորձում է փրկել ԻՊ-ը և վնասել Սիրիային

Սեպտեմբերի 24, 2017


Ռուսաստանի պաշտպանության նախարարությունը հրապարակել է Սիրիայում գրոհայինների վերահսկողության ներքո գտնվող տարածքների աերոլուսան...

ԱՄՆ-ը ափիոնային պատերազմներ է սկսում Եվրոպայում

ԱՄՆ-ը ափիոնային պատերազմներ է սկսում Եվրոպայում

Հուլիսի 31, 2017


Կատարվե՛ց։ Ամերիկյան իսթեբլիշմենթը հասավ իր ուզածին՝ մի կրակոցով խփեց և՛ իր նախագահին, և՛ Ռուսաստանի առաջնորդին (ինչպես իրեն է ...

«Նուրեև»-ը՝ բալետ նոն-գրատա

«Նուրեև»-ը՝ բալետ նոն-գրատա

Հուլիսի 10, 2017


Կար բալետի մի այսպիսի մեծ արտիստ՝ Ռուդոլֆ Նուրեև (էթնիկ թաթար)։ 60-ականների սկզբին փախավ ԽՍՀՄ-ից (չվերադարձավ հյուրախաղերից), հ...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ







Քվեարկությունների արխիվ