Ազգային խայտառակություն

«ՀայՓոստը» վտանգավոր է առողջությանը

Հունվարի 15, 2018
«ՀայՓոստը» վտանգավոր է առողջությանը

Ջհանգիր Լֆիկյան


...Հանձինս Փոշտի Սևոների

 

Մեր խայտառակություններից, թերևս, ամենավտանգավորները նրանք չեն, որոնք վեր են ընկած Ազգային ժողովում կամ կառավարությունում: Ամենավտանգավորները նրանք են, որոնց հետ հասարակությունը շփվում է ամեն օր, որոնց խայտառակություն լինելու պատճառով քայքայվում են քաղաքացիների նյարդերը: Եթե նորմալ մարդն իրեն վատ է զգում, ասենք, Շմայս բռնաբարի կամ Ուրիխանյան Տիգրանի համար տարեկան մի քանի անգամ, ապա անհայտ խայտառակությունները նորմալ մարդուն տանջում են ամեն օր: Իսկ դրանցից ամենավտանգավորները նրանք են, ովքեր անմիջական նամակագրական կապի մեջ են նախագահ Սարգսյանի հետ: Դատեք ինքներդ:


Մամուլից տեղեկացանք մի հետաքրքիր պատմության մասին և կապվեցինք պատմության մեջ նշվող քաղաքացու հետ: Ուրեմն, քաղաքացին «ՀայՓոստ» ընկերության միջոցով արտասահման ճամպրուկներ է ուղարկում, որոնք հենց «ՀայՓոստի» օգնությամբ ոչնչանում են: Բնականաբար, քաղաքացին ցանկություն է հայտնում փոխհատուցում ստանալ և այդ արդար նպատակով դիմում է «ՀայՓոստի» ղեկավարությանը, այնտեղից էլ նրան ուղարկում են պարոն Սևադա Բադալյանի մոտ: Սա մի յուրահատուկ տիպ է, Փոշտի Սևո են սրան ասում: Վարկած կա, որ «ՀայՓոստում» սա աշխատում է գրեթե ծնված օրվանից և, հետևաբար, պետք է ենթադրել, որ Հայաստանի քաղաքացիների առողջությունը նա վնասում է շուրջ 60 տարի: Իսկ ի՞նչ է ասում Փոշտի Սևոն տուժած քաղաքացուն: Ասում է, թե` նախ, մոռացիր կոմպենսացիայի մասին, երկրորդն էլ՝ մեծ լավության կարգով առաջարկում է քաղաքացուն վերադարձնել կոնյակի փշրված շշերը, այսինքն` զիբիլ է տալիս, որպեսզի քաղաքացին տանի տուն, տեղավորի այն աղբատոպրակի մեջ, հետո դուրս գա տնից, գնա մինչև «Սանիտեկի» մոտակա կոնտեյներ և զգուշորեն տեղավորի դրա մեջ:


Դե, պարզ է, որ նորմալ մարդուն նման բան ասել չի կարելի ասել, նման լավություն չի կարելի անել: Տուժած քաղաքացին ըմբոստանում է, ինչին ի պատասխան Փոշտի Սևոն ասում է, թե՝ եթե անգամ Սերժ Սարգսյանին էլ գրես, մեկ է, ինձ է գալու էդ նամակը, վերջին որոշումը ես եմ ընդունելու, իսկ որոշումն էլ արդեն ընդունված է: Այսինքն՝ այս ոչխարը հաստատում է, որ անմիջական նամակագրական կապի մեջ է նախագահ Սարգսյանի հետ, իր դեմ խաղ չկա, և նա իրեն իրավունք է վերապահում փչացնել ՀՀ քաղաքացիների գույքը և չվճարել դրա դիմաց:


Հիմա ո՞վ է ավելի վտանգավոր ՀՀ քաղաքացիների համար` ինչ-որ մի խայտառակ պատգամավոր կամ կաշառակեր պաշտոնյա՞, որոնց արածներից մենք խայտառակվում և նյարդայնանում ենք տարեկան մի քանի անգամ, թե՞ Սևադա Բադալյան կոչվող Փոշտի Սևոն, որը ՀՀ քաղաքացիների հետ շփման մեջ է ամեն օր, քանզի նրանց գույքը նա վնասում է ամեն օր, իսկ դժգոհներին էլ ասում է, թե՝ քո նամակը Սերժ Սարգսյանն ինձ է ուղարկելու: Կարծում ենք՝ պատասխանն ակնհայտ է, իսկ մեկնաբանությունները` ավելորդ...


Պետք է ուղղակի ուշադրության կենտրոնում պահել ՀՀ բոլոր փոշտի սևոներին, պարբերաբար դրանց խայտառակել ու պղծել և դրանով հանգստացնել մեր նյարդային համակարգը: Այլ տարբերակ չկա:







Դիտումների քանակ 77344


ՀԱՐՑՈՒՄՆԵՐ

Ինչպե՞ս եք գնահատում հոդվածը




ՈՒՇԱԴՐՈՒԹՅՈՒՆ։ Ցենզուրայից դուրս մեկնաբանությունները կհեռացվեն մոդերատորի կողմից։




Վերադառնալ

Նույն թեմայով

Ո՞վ տեղ կհասցնի Քոչարյանի ծանուցագիրը

Ո՞վ տեղ կհասցնի Քոչարյանի ծանուցագիրը

Հուլիսի 4, 2018


Մեծ ուրախություն է տիրում Հայաստանում: Այսքան մեծ ուրախություն չի եղել անգամ անկախության հռչակման ժամանակ, էլ չենք խոսում հայկա...

Խմբագրության կողմից

Shame.am-ի ստեղծագործական խումբը շոգ ամառվանից հետո սկսում է 2014թ. թեժ աշնան ակտիվ գործունեությունը։ Հայաստանը եւ աշխարհը զարմանալի, ստեղծագործելու համար չափազանց բարեբեր ժամանակներ են ապրում։  Կարդալ ավելին 

Ամենաշատ ընթերցվածը

ՀԱՐՑՈՒՄՆԵՐ







Քվեարկությունների արխիվ