ՀՀ Ազգային ժողովի ՀՀԿ-ական նախկին պատգամավոր Առաքել Մովսիսյանը, այսինքն՝ Շմայս բռնաբարը, հանցագործության մասին հաղորդում է ներկայացրել ՀՀ ոստիկանություն: Պարզվում է, որ նրանից իբր գողացել են «Բերետա» տիպի ատրճանակ, իսկ գողացողի ինքնությունը չի պարզվել:

ՀՀ Քննչական կոմիտեի նախագահի խորհրդական Սոնա Տռուզյանն ասել է, որ հարուցվել է քրեական գործ՝ ՀՀ քրեական օրենսգրքի 238 հոդվածի 1-ին մասով (զենք, ռազմամթերք շորթելը): Տռուզյանի փոխանցմամբ՝ Արմավիրի մարզի բնակիչ Առաքել Մովսիսյանը 2018 թվականի փետրվարի 27-ին, ժամը 21.40-ին, ոստիկանության Վաղարշապատի բաժնում հաղորդում է տվել, որ փետրվարի 20-27-ին անհայտ անձը, օգտվելով իրեն պատկանող «Տոյոտա Լանդ Կրուիզեր» մակնիշի ավտոմեքենայի դռները բաց լինելու հանգամանքից, ավտոմեքենայի սրահում գտնվող ձեռքի պայուսակի միջից գաղտնի հափշտակել է «Բերետա» տեսակի 9մմ տրամաչափի իր անվանական ատրճանակը, որով պարգևատրվել է դեռեւս 1993 թվականին:

Փաստելով, որ Շմայս բռնաբարը միաժամանկ նաև որպես գործ տվող է աշխատում, ՀՀ Քննչական կոմիտեի ուշադրությունն ենք հրավիրում մի քանի հանգամանքների վրա.

1. Որտե՞ղ էր Շմայս բռնաբարը փետրվարի 20-27-ն ընկած ժամանակահատվածում:

2. Ինչո՞ւ են Շմայս բռնաբարին պատկանող ավտոմեքենայի դռները բաց եղել շուրջ 7 օր, և արդյո՞ք նրա մեքենաների դռները միշտ բաց են:

3. Ինչո՞ւ և ո՞ւմ կողմից է պարգևատրվել Շմայս բռնաբարը:

Մեր կարծիքով, հենց այս հարցերի պատասխաններից է կախված գործի արդյունավետ ընթացքը: Իրականում, մեր տեղեկություններով, Շմայս բռնաբարը Հայաստանից չի բացակայել, իսկ մեքենայի դռները նա երբեք, թեկուզ 10 րոպեով, բաց չի թողնում: Ինչ վերաբերում է ատրճանակով պարգևատրմանն, ապա Շմայս բռնաբարի նման մարդիկ, համենայնդեպս 1993թ., պետության կողմից չէին պարգևատրվում: Սրանց ինչ-ինչ ծառայությունների համար նվեր էին տալիս, այն էլ հետագայում հերքում՝ նվեր տալու հանգամանքը: Օրինակ, Սամվել Բաբայանը «Հոկտեմբերի 27»-ի քրեական գործի շրջանակներում հերքել է Շմայս բռնաբարի եղբորը՝ Մուշեղ Մովսիսյանին զենք նվիրելու հանգամանքը: Հերքելն հերքել է, սակայն փաստ է, որ Մուշեղ Մովսիսյանի անունը՝ յուր զենքով, այնուամենայնիվ, շրջանառվում է «Հոկտեմբերի 27»-ի գործի շրջանակներում: Այս իմաստով, հնարավոր է, որ մի օր էլ Շմայս բռնաբարի զենքը նույպես կրակի: Իսկ որտե՞ղ և ո՞ւմ կողմից: Եվ որպեսզի հետագայում փաստի առջև չկանգնենք, քրեական գործի շրջանակներում, որպես հիմնական կասկածյալ, պետք է դիտվի հենց ինքը՝ Շմայս բռնաբարը, քանզի բռնաբարության մեջ մասնագիտացած մարդը չի կարող զենք կորցնել: Զենքը սրա նմանների հացն ու ջուրն է: