ՊԵԿ նախկին նախագահ Գագիկ Խաչատրյանն այս օրերին խոր դեպրեսիայի և թախծի ճիրաններում հայտնվելու լուրջ հիմքեր ունի: Բանն այն է, որ իր անվան հետ կապվող ընկերությունը կրկին՝ երկրորդ անգամ տուգանվել Է ՀԴՄ չխփելու համար: Հիմա էլ խոսքը «Չիմեգ» ՍՊԸ-ի մասին է, որը չինական հագուստի ու այլ ապրանքների ներկրմամբ է զբաղվում, ու դրանք վաճառվում են, որպես կանոն, «Հագուստի աշխարհ» խանութների ցանցում: «Չիմեգը» վճարել է տուգանք՝ 300 հազար դրամի չափով, խոշոր հարկ վճարողների տեսչու¬թյան գործողության արդյունքում ու հայտնվել է գործունեության ժամանակավոր կասեցման ցուցակում:

Գագիկ Խաչատրյանի համար 300 հազարը փող չէ: Նա նույնիսկ կարող էր չնկատել դա: Սակայն կա մի բան, որ միլիարդատեր գործարարն ու նախկին պաշտոնյան չտեսնել չի կարող: Նրանք, ովքեր այսօր գնում ու տուգանքներ են նշանակում Խաչատրյանի բիզնեսին, օտար մարդիկ չեն: Այս չինովնիկների ու հարկայինի աշխատակիցների մեծ մասին հենց Գագիկ Խաչատրյանն է նշանակել: Մեկը հարազատ է, մյուսը՝ փեսա, երրորդը` ընկերոջ զավակ, և այդպես շարունակ: Եկել, զբաղեցրել են տաքուկ տեղերը, իսկ այսօր խայթում են իրենց կերակրող ձեռքը: Ահա թե ինչու է Գագիկ Խաչատրյանի վիշտն այդքան խոր ու անփարատելի: Նույնիսկ յուրայիններն ուրացան նրան, երբ լքեց եկամտաբեր պաշտոնը: